茶記冰室 (Closed)

王的世界星期日去左石陰，走既時候見到間局茶記冰室，呢排見有d冰室開到成行成市，而且質素又唔錯，見呢間未食過決定入去試下，我地一行四人等左3個字就入得，門口有得泊車直頭正，坐正門口可以睇埋車，我地係門口已經睇到好多野想試，最後嗌左6個小菜，佢地既小菜包埋湯，飯同飲品，絕對抵食，坐底之後見人人都有嗌冰鎮咕嚕肉先知走寶，唯有下次再試過。 好快黎左例湯，不過不失都幾夠味。首先黎既係竟然係黃金蝦，蝦雖然唔算大隻但新鮮，而且滿佈咸蛋王好咸香～之後就到西蘭花炒帶子，個菜唔油帶子幾彈牙可以平衡返黃金蝦！再黎就係燒薯牛粒，薯仔同牛粒切到一啖一口，薯仔甜甜地好好味，加埋牛粒同黑椒，呢個直頭必試。至於椒鹽豆腐都唔錯，外脆內軟而且夠野味。最後就係麻辣木桶手撕雞，有隻雞翼插係上面好搞笑，雞肉夠麻，個人覺得再辣些少會更好，最後我地飽到行唔郁，個人覺得值得一試。