茶記冰室 (Closed)

其實來過茶記都好幾次，呢度老板個人都幾nice,人所以每次來都會吹下水。上次聽佢話近排會返小量海鮮做下睇睇反應，有蟶子同肉蟹，但佢話最好打來訂定海鮮，因為唔會返得多同好快買晒，留過夜怕唔新鮮。我今日就打來訂定先，留左蟶子同蟹。今晚星期六都好爆場。老板話如果無訂就一早買晒。蟶子蒜蓉粉絲蒸，蟹就薑蔥炒，跟住叫多左個羊腩煲。海鮮係好新鮮，個薑蔥炒蟹炒得好味價錢亦好抵食。出面食海鮮一定貴好多。個羊腩煲都好足料，老板無介紹錯，加上呢度環境好好，夠新值得一再捧場。