茶記冰室 (Closed)

今日同同事嚟左見客就揸左嚟葵涌食飯，因為同事話呢頭有咪錶易泊車。佢帶左我喺呢間茶記冰室，話之前晏畫嚟食過。我地兩個都點左常餐，而且仲要一樣係招牌沙嗲牛肉麵，此外另加一碟豉椒炒蜆，因為見隔離枱嗰碟炒得幾正。常餐（配有牛乳滑蛋/火腿奄列+牛油厚多士/牛油豬仔包+飲品）《招牌沙嗲牛肉麵 $40 +牛乳滑蛋+牛油厚多士 +飲品》- 沙嗲牛肉幾香濃而且唔韌，d都浸左一陣都無發漲同變軟腍，幾好味。牛乳滑蛋有蛋香，加埋脆口既牛油厚多士一齊食仲正又飽肚。凍飲加$3《豉椒炒蜆 $78》份量岩晒兩個男人食，大碟又多蜆肉，d蜆肉都幾鮮同肥。