翠華餐廳 (銅鑼灣商業大廈) (Closed)

好耐冇去過翠華，我諗都有幾年，之前去翠華奶油豬，豬軟骨米線，今日去完工展會，見到糖街嗰間，翠華就諗住再去試吓，都係照舊嗌咗奶油豬、瑞士汁雞翼同埋豬軟骨米線。點知見到隔籬枱有個鐵板牛柳，咋咋聲，引到我忍唔住都要嗌一份試吓！估唔到原來佢嘅鐵板牛柳餐，有驚喜喎，價錢就正常啦，唔係特別平又唔係特別貴$108 (+$15跟餐有嘢飲，有迷你豬仔包)佢嘅牛柳鬆軟，有牛味，要讚吓佢嘅就係冇乜根，全件牛柳都可以食晒，薯菜，佢就係唔係用薯條嘅係薯角👍然之後我飲咗杯蛋白杏仁茶，唔係平時攞杏霜沖嗰啲杏仁茶，我飲得出真係用杏仁磨碎嘅再加蛋白，真係好好飲，下次嚟一定要飲。