四寶食堂 (兆安廣場)

Open Now

Now Closed

最近銅鑼灣嘅四寶食堂推出咗dinner set for two，佢哋嘅餐牌價錢好優惠，只要200蚊左右就可以有六道菜。依間餐廳平時都好受歡迎，所以今日嚟到嘅時候，都已經差唔多滿座。是日餐湯今日我就要咗忌廉湯，味道都幾濃郁。廚師沙律沙律菜嘅份量都唔少，蔬菜新鮮。蕃茄肉醬意粉意粉麵條煮得唔會太過火，賣相好吸引，蕃茄同埋肉醬調味調得唔錯，入口唔會覺得酸，亦都唔會覺得太過甜。香煎鴛鴦扒分別係豬扒同埋雞扒，入口肉味香濃，份量亦都夠晒多，雞扒外皮煎完之後，帶有一點焦香。雪山西多士西多士嘅份量都幾多，麵包係厚切嘅，炸得唔好太過油膩，作為甜品嚟講，我覺得好滿意。整體嚟講，成個餐嘅價錢都好優惠，食物嘅份量都幾多。