茶記冰室 (Closed)

撞啱有個姊妹約我上佢到傾presentation既野。第一次去石蔭，就搞到我盪失路。。佢見我喊晒口咁，就話請返我食飯補數。經過呢間「茶記冰室」，佢話時不時都會同屋企人係到食，啲小菜大大碟，又有穫氣，所以就決定今晚食呢間。地方都幾乾淨企理，多卡位坐得好舒服，一啲都唔迫。牆身貼左好多小菜既相，碟碟賣相都好靚。「今次由你發辦啦」姊妹話。「咁我唔客氣嫁啦」我答。我遞遞手。「唔該！我要「呢個」，「呢個」同「呢個」！」我話。小菜唔洗另外叫飯，佢每個小菜都會跟例湯，白飯同一杯野飲。例湯好足料，有種好熟悉但又講唔出既感覺。哈哈，我唔敢問我姊妹係咩湯。「燒薯牛粒」。上枱真係超大碟！哈~有啲後悔叫成三個小菜，人地點知咁大碟喎。Anyway，牛柳粒鬆軟可口，油香滿溢，帶點黑椒味。薯仔燒到外皮脆卜卜，食到停唔到。「涼瓜味菜斑腩煲」。通常出面食開都係涼瓜斑腩煲，呢到加多左味菜，食落估唔到咁夾，唔單只中和左涼瓜既苦澀，啲斑腩食落更加惹味。斑腩都係慣常走左油再放過煲仔，口感實淨，外脆內軟。「黃金大蝦球」所謂黃金就係鹹蛋黃，依家好興呢種食法。口感有種沙沙既感覺，食落有濃郁既蛋黃香，超讚。蝦仁又大大粒，粒粒爽口彈牙，必