Video
Read full review
2022-01-29
818 views
爛仔茶餐廳一間！之前嚟飲過茶，啲點心算唔錯，又住得近，嗰度幾乎係我必經之路，所以都幫襯過幾次。前排嚟飲茶，見到嚟咗兩條新嘅西裝友，明明喺門口個receptionist都見到我掃咗安心出行，跟住老啲瘦啲嗰條西裝友行出嚟帶位，一埋嚟就叫我掃安心出行，我話俾佢知掃咗，佢隔離個receptionist都正想開聲話佢知嘅同時，佢喝令我「出示返！」fine！我俾佢睇囉！跟住成間餐廳明明冇生意，個場大半都係吉嘅，又唔知點解同個receptionist講唔俾本身安排嗰張枱我，要我等張未執好嘅枱。最後等咗15分鐘，我兩個人佢安排咗張超級大枱俾我。咁我見嚟飲過幾次茶佢哋啲點心都唔錯，個長頭髮女仔認得我又sell我買蘿蔔糕券，反正都要送禮就買咗三張，一盒俾自己試吓。琴日去拎咗啲糕返屋企，就煎咗嚟試。嘩！我今次真係見識到咩係真真正正嘅蘿蔔糕！成底蘿蔔糕係得蘿蔔同埋糕！大佬$328喎，好多酒店都未夠佢貴啦！又細盒！簡直係難以置信！所以我連原本諗住要嚟送俾人嗰兩盒都開多盒嚟睇，結果都係一樣，蝦米都搵唔到多粒！剩返嗰盒我絕對唔會夠膽送俾人囉！你如果二百零蚊我都算啦，大佬三百幾蚊剩係得蘿蔔，唔係咁樣呃人係咪呀！？我今
之前嚟飲過茶，啲點心算唔錯，又住得近，嗰度幾乎係我必經之路，所以都幫襯過幾次。
前排嚟飲茶，見到嚟咗兩條新嘅西裝友，明明喺門口個receptionist都見到我掃咗安心出行，跟住老啲瘦啲嗰條西裝友行出嚟帶位，一埋嚟就叫我掃安心出行，我話俾佢知掃咗，佢隔離個receptionist都正想開聲話佢知嘅同時，佢喝令我「出示返！」fine！我俾佢睇囉！跟住成間餐廳明明冇生意，個場大半都係吉嘅，又唔知點解同個receptionist講唔俾本身安排嗰張枱我，要我等張未執好嘅枱。最後等咗15分鐘，我兩個人佢安排咗張超級大枱俾我。
咁我見嚟飲過幾次茶佢哋啲點心都唔錯，個長頭髮女仔認得我又sell我買蘿蔔糕券，反正都要送禮就買咗三張，一盒俾自己試吓。
琴日去拎咗啲糕返屋企，就煎咗嚟試。嘩！我今次真係見識到咩係真真正正嘅蘿蔔糕！成底蘿蔔糕係得蘿蔔同埋糕！大佬$328喎，好多酒店都未夠佢貴啦！又細盒！簡直係難以置信！所以我連原本諗住要嚟送俾人嗰兩盒都開多盒嚟睇，結果都係一樣，蝦米都搵唔到多粒！剩返嗰盒我絕對唔會夠膽送俾人囉！你如果二百零蚊我都算啦，大佬三百幾蚊剩係得蘿蔔，唔係咁樣呃人係咪呀！？
我今日落街經過附近，想話去同佢地反映下啲蘿蔔糕咁樣唔得，點知又見到嗰條西裝老柴企咗喺門口，俾意見呢啲人都嘥氣啦！之後返屋企再經過附近就行多轉啦，想搵返sell我嗰個女仔，點知我比較有印象嘅都已經冇做。我差唔多成千蚊買咗三盒垃圾真係好唔憤氣！食又唔係掉又唔係！
依家仲要嚟咗條爛仔西裝老柴，以後一定唔會再幫襯！
我食評入面upload唔到相？不過我都upload咗去相片度，請欣賞！
Post