唐人坊 (Closed)

過年前有朋友約食泰國菜，心想要食泰國野，梗係去九龍城，點知黎左唐人坊。黎到一睇即時O咀，茶餐廳食泰國野？坐落先知原來係私房形式。友人見到我們眾人一臉無奈及頭上無數問號，只管微笑。終於有得食，第一碟上的是生蝦刺身。眾人你眼望我眼，無人敢上。友人二話不說，手起蝦落，食得津津有味。心諗幾大就幾大，食左先算。結果當晚食左：(1) 活蝦刺身：必食，無得講，一個字，正！(2) 辣椒膏炒蟹：可以揀咖哩炒，但個人覺得辣椒膏正D，唔信試試！(3) 明爐魚：配菜多左DD，一般啦。(4) 無骨海南雞：好有雞味。(5) 炸蝦餅併魚餅：雖然一般貨色，但都有水準，蝦餅好味D。(6) 碳燒豬頸肉：同坊間有D分別，厚身D，比較有口感。(7) 泰式炒什菜：好大碟，不錯。(8) 泰式冬陰功：好鮮甜，夠辣。飯後眾人頭上問號越來越多，點解茶餐廳會有食泰國野食? 點解咁好食? 最後先知原來老闆請了一位地道泰國師父，怪不得有如此水準。個人建議：記得用公筷，因樣樣都比較大碟，食唔曬，可以打包。