老馮茶居 (荃灣千色匯II)

荃灣千色滙地下有間「老馮茶居」，係外面巴士站近幾步就到，位置方便。荃灣比較少點心專門店可以飲夜茶，依間幾好👍。又有點心、燉湯、蒸飯及甜品，選擇多元化。餐廳內環境以懷舊氣氛為主調，一邊打造成冰室的茶座，另一邊以公屋為裝潢：地下是雜貨店，樓上是住宿。打卡一流，同朋友來依到聚會又多個話題。燉湯：有兩款燉湯選擇，包括：螺頭燉瘦肉湯及蟲草花燉雞湯用燉盅燉嘅湯味道👅特別鮮甜，而且非常足料。蝦醬蒸腩仔飯：用蝦醬蒸飯超級惹味，加上用砵仔蒸，好有風味。腩肉肉質爽脆，一啲都唔韌。點心：鮑汁柚皮鴨腳扎、鮮蝦腐皮卷（餐廳推介）、老馮鮮蝦腸好少酒樓，仍然有柚皮鴨腳扎售賣，比較懷舊。柚皮充滿鮑汁味道，而且軟綿綿。而鮮蝦腐皮卷外皮超級香脆，好似食薯片咁，內裏嘅蝦大隻同彈牙。$6/茶位，食點心蒸飯一定要用茶配搭，非常潤喉。一盅兩件既休閒時光，好享受😎。