夜燒站

Open Now

Now Closed

昨晚約左朋友係荃灣食飯, 我哋揀左一間餐廳食串燒飲啤酒。餐廳係寶石大廈附近, 開到凌晨12點, 啱晒夜晚同朋友過黎食串燒。我哋叫左多款串燒, 其中最推薦係月見免治雞肉軟骨棒, 雞軟骨香脆, 配合埋蛋黃和月見食, 味道更香濃。明太子燒雞翼, 雞翼燒到嫩滑多汁, 加上微辣既明太子, 食落好惹味。鹽燒牛舌, 食落爽口彈牙。豬肉荔枝卷, 豬肉燒到好香配合清甜荔枝, 中和油膩感。魷魚鬚炸到好鬆脆唔油膩。餐廳氣氛幾好, 我哋叫左啤酒食串燒, 整晚傾得好開心。