夜燒站

Open Now

Now Closed

夜媽媽10點幾想同朋友喺荃灣搵個地方坐低食啲嘢吹下水，見到夜燒站開到凌晨12點，所以就去咗，喺熊貓酒店附近，好方便！一入去就播緊英文歌，有Westlife嘅My Love, Taylor Swift嘅Love Story, Ed Sheeran嘅歌都有，差唔多首首都識，好開心一路聽歌一路吹水，環境好舒服。串燒嗌咗牛脷、雞腎、蕃薯仔、蒜芯同鴨胸。全部都即叫即燒，上枱出晒煙熱辣辣。調料都做得好好，特別係鴨胸，鎖住水份之餘，仲有調味料，唔洗額外點汁就已經好夠味！其他肉類同樣鎖同水份，冇流失本身嘅肉味！燒物仲嗌咗茄子，燒得好好，面嘅肉碎舖滿晒，好入味，茄子肉都有肉碎嘅味，夾埋一齊食好惹味！炸物嗌咗炸魷魚鬚，特別揀咗明太子醬，平時食都係點沙律醬，今次呢個明太子醬好好味，一啲都唔稀，唔單止同魷魚好夾，用嚟點其他炸物都好好食。最後嗌咗個天婦羅烏冬share. 天婦羅炸得好脆，湯底味都好濃，唔係普通加水，有日本嘅味道。