YuMo芝士蛋糕專門店

Open Now

Now Closed

本身諗住睇吓有咩正餐食，但行行吓經過呢間芝士蛋糕專門店，朋友話呢間好出名，而且天氣又好熱，所以就入去涼下冷氣，順便揀兩件cake坐喺度食。本身對芝士蛋糕唔係特別太喜好，但今次試咗兩件，覺得其中一件特別非常出色。檸檬紐約芝士 $38我覺得呢間喺香港嚟講算做得幾好，因為本身平時都鍾意食酸嘢，而且呢個酸味同芝士夾埋一齊，識落一啲都唔覺得會好膩，可能對其他人嚟講，紐約芝士好多地方都有得食，但我認為個檸檬配合做得非常之好，建議大家可以試一個基本嘅款先。開心果巴斯克 $62唔知係咪之前喺第二間試過Gelato開心果味，所以覺得呢件嘅開心果味唔係好突出，如果開心果味再突出啲嘅話咁就完美啦，因為時間焗得非常之好，唔會實的的，中間仲係軟身嘅。下次再去既時候再試其他味，因為仲有好多款揀。其實香港有好多呢啲好出色嘅小店，只係因為租金太貴，令呢啲有潛質嘅小店控制佢哋嘅發展空間，希望佢哋可以越做越好。