YuMo芝士蛋糕專門店

Open Now

Now Closed

前日（22-2-2025 Sat）晏晝，同亞姨，老公喺荃灣買完嘢後，就帶亞姨嚟食我同老公食過嘅呢間食芝士蛋糕（食評係2025年2月16日到登嘅呢篇：https://www.openrice.com/zh/hongkong/review/%E9%8D%BE%E6%84%8F%E5%91%A2%E9%9A%BB%E5%8F%A3%E6%84%9F-e5914975），我哋嚟到時好彩冇人，入去見到有好多款式，今次老公唔食芝士蛋糕，食$32.00嘅芋泥生乳卷，亞姨就揀$56.00嘅玄米茶粟子麻糬芝士蛋糕。由於座位關係，我同亞姨share食玄米茶粟子麻糬芝士蛋糕，呢個玄米茶味道好夠，麻糬偏軟唔算好煙韌，而原來栗子係粒粒，但唔腍同冇乜栗子味，係為咗增加口感？而今次呢隻芝士蛋糕係食唔到軟芝士嘅口感。4分至於老公嘅芋泥生乳卷，我就食少少，芋泥上次已經食話過，味道唔濃，而卷蛋就正常軟熟，呢個就貴咗啲。3分抵食係2.2分

上篇壹盅湯（https://www.openrice.com/zh/hongkong/r-%E5%A3%B9%E7%9B%85%E6%B9%AF-%E8%8D%83%E7%81%A3-%E6%B8%AF%E5%BC%8F-%E6%B9%AF%E5%93%81-r694646）食評提到，噚日（15-2-2025 Sat）晏晝，我同老公食完呢間後，即刻走嚟又係啱啱開門嘅呢間食特色芝士蛋糕，我哋嚟到未有客人，咁就好彩，因為呢喥只有兩張細枱仔俾客人坐喺喥食。我哋睇吓有咩款式先，可能我哋太早，冇乜款式，睇返menu(原來我竟然漏影)，見到有鹹蛋黃味，於是問店員有冇呢隻味嘅切餅？佢問廚房同事，同事答有。咁我就可以等佢哋切出嚟，於是再揀多一款，特別啲嘅有玄米茶巴斯克，芋泥，咖啡Bailey's同開心果，咁我揀多件$50.00嘅芋泥，俾咗錢先，收$100.00。日我哋係堂食，就先上芋泥食住等，睇見芋泥喺晒底，芝士蛋糕味道正常夠，但撈唔到芋泥一齊食就有啲失望，芋泥唔太甜，而芝士蛋糕口感唔單止係軟綿綿，重有啲流心，一路食一路流落嚟，從未食過呢種口感嘅芝士蛋糕，好味。4分食完呢件，鹹蛋黃味芝士蛋糕都切咗出嚟

收藏左依個蛋糕店真係好耐 但一直唔就腳，一係撞正休息日就冇去 。 今日因為去開荃灣行山 行完山見有時間就去一轉。 位置係近荃灣西 、荃灣西街市嗰邊。店舖主打係巴斯克 也有麻糬卷、蛋糕卷賣。 作為好耐冇食巴斯克既巴斯克迷， 今次唔理減肥都要食下😂😂諗左好耐， 見啲人介紹咸蛋黃巴斯克，但係驚中伏 ，就都係叫番比較穩陣既特濃提子巴斯克蛋糕（$56）大小黎講其實幾大舊 對得住個價錢。 味道方面其實個人認為不至於好濃😅 不過唔知係咪因為近排食得比較清既緣故，食落去未至於好重冧酒味。 提子都幾多😂😂 成件巴斯克口感幾軟熟同水潤（？） 因為見個底都濕濕地 可能因為啲冧酒聚係底？？🤣 中間有點流心感覺 芝士味也不算太重。 整體黎講不過不失。 下次有機會再試下其他口味。 好彩撞正今日最後一日 ， 見到貼左張紙，聽日開始店家會休息6日 ， 唔係就錯過左 白行一次😂😂

原來荃灣有間巴斯克芝士蛋糕專門店😍小店形式經營 但我強烈推介一試！巴斯克款式好多，仲有生酮系列，例如金萱烏龍茶巴斯克、生朱古力麻糬、黑朱古力草莓、阿華田脆脆、繡春烏龍茶巴斯克Tiramisu等等。逢星期五六日仲有供應可麗露😍老實講 價錢唔平一件，但食完表示有質素😍keep全都好多人入嚟買，主要係外帶，環境比較簡潔，如果想即刻堂食好似我地甘 入面都有一張枱仔櫈仔～．開心果巴斯克 $62見到顏色已經好吸引😍中間軟心質地好滑，而且開心果味超濃！有堅果香又唔甜，每一啖都好滿足😋1件份量唔細share食先無咁濟，不過真係幾貴下🤣．焙茶黑芝麻麻糬巴斯克 $56依個蛋糕質地同樣好滑，而且黑芝麻味超香，後面焙茶味亦好香濃，不過中間麻糬真係唔識欣賞🥲朋友都認同質感好怪，麻糬唔夠軟糯/煙韌，似奶凍質感但又無味🥲

荃灣有一間蛋糕店 @yumo_cheese ，小編長期都會幫襯。久唔久就去睇吓有啲咩新款式，皆因佢每日都會推出唔同口味嘅巴斯克蛋糕。週末嘅時間可能仲會有啲其他款式嘅蛋糕試吓，聖誕未知買咩蛋糕慶祝，可以參考吓！大概$50-70 一件切餅開心果巴斯克第一啖食落去有好濃嘅開心果味。蛋糕體口感十分綿密，尤其是中間一層做到有流心嘅效果，有啲似忌廉咁。外層就比較厚實，加埋面頭有開心果碎，食落去口感豐富，而且唔會好乾。小編就覺得好好味～味道：8.3/10海鹽焦糖泰茶麻薯巴斯克蛋糕會跟一盒海鹽焦糖醬，可以淋喺蛋糕上表。海鹽焦糖鹹鹹甜甜，比想像中濃味，泰茶亦都有，而且同個醬意外地夾！不過相比起開心果呢個就冇咁多軟心嘅效果，所以口感會比較實淨，而佢嘅麻糬就比較軟腍，唔算好煙靭。味道：8/10紅茶Oreo生乳卷小編係第一次試佢哋嘅生乳卷，本身以為佢嘅忌廉會好滑好香奶味。但實際上佢嘅味道同質感唔算非常突出（但都好味嘅），最突出嘅反而係佢嘅蛋糕，紅茶味道非常之香。味道：7.8/10抵食：7.8/10YuMo芝士蛋糕專門店地址: 荃灣曹公坊15號德仁樓地舖電話: 68021714#香港必食 #香港美食 #食評 #

荃灣 │ 巴斯克蛋糕專門店🤤💖✽開心果巴斯克蛋糕唔係講笑，食咗一次就食過返尋味🤣絕對係心目中頭三中意嘅生果巴斯克蛋糕✨🙏🏻😴無論自己食還是跟朋友分享都不錯。下次來荃灣記得一定要來試試🍰食物味道:9/10性價比: 7/10打卡指數: 7/10價格：約$65✽不用排隊 小店有少許座位 主要以外帶為主⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰

本身諗住睇吓有咩正餐食，但行行吓經過呢間芝士蛋糕專門店，朋友話呢間好出名，而且天氣又好熱，所以就入去涼下冷氣，順便揀兩件cake坐喺度食。本身對芝士蛋糕唔係特別太喜好，但今次試咗兩件，覺得其中一件特別非常出色。檸檬紐約芝士 $38我覺得呢間喺香港嚟講算做得幾好，因為本身平時都鍾意食酸嘢，而且呢個酸味同芝士夾埋一齊，識落一啲都唔覺得會好膩，可能對其他人嚟講，紐約芝士好多地方都有得食，但我認為個檸檬配合做得非常之好，建議大家可以試一個基本嘅款先。開心果巴斯克 $62唔知係咪之前喺第二間試過Gelato開心果味，所以覺得呢件嘅開心果味唔係好突出，如果開心果味再突出啲嘅話咁就完美啦，因為時間焗得非常之好，唔會實的的，中間仲係軟身嘅。下次再去既時候再試其他味，因為仲有好多款揀。其實香港有好多呢啲好出色嘅小店，只係因為租金太貴，令呢啲有潛質嘅小店控制佢哋嘅發展空間，希望佢哋可以越做越好。

一直好想試Yumo嘅cheesecake尤其係開心果味外表比其他舖頭綠💚🔍👀✧ 開心果巴斯克（$62）望落成個cake好綠搞到超高期望！質感整體偏軟好creamy的之前食過有啲cheesecake texture好似拖肥但呢個真。流心(৹ᵒ̴̶̷᷄́ฅᵒ̴̶̷᷅৹)另外好鍾意佢toppings開心果碎有大粒有磨到好細粒似粉不過開心果味就唔係話好濃結論係作為巴斯克芝士蛋糕好正但撈咗芝士就無可避免會蓋住開心果味✧ 開心果可麗露 （$29）有驚喜！本身諗住平過cheesecake咁多仲要見到toppings咁多開心果碎諗緊會唔會僅此而已但點知一咬開見到勁綠嘅開心果醬而且唔係而細細pat交功課係接近半嚿canele都係醬🥹雖然只係好經典嘅法式甜品但唔係間間做到外脆內軟而且size都算大～

今次去開荃灣 試咗呢間巴斯克芝士蛋糕專門店 佢哋嘅款式都好多 今次就係試咗呢個泰式奶茶味 佢仲有焦糖醬可以淋喺面 焦糖醬偏甜 質地濃郁 芝士蛋糕唔夠軟身 泰式奶茶味都唔出 唔係話特別好食 但係價錢就差唔多要$60 1件 都唔係話唔貴整體嚟講，我覺得一般般

話說有次朋友慶生，帶來美味麻薯蛋糕，於是筆者記錄在案，開始注意這小店。地點在荃灣香車街街市公廁對面，粉藍色的招牌，在一片舊樓中，都很顯眼，容易找到。適逢今天復活節假期，於是過來了解一下，人少少打算買兩件cake試試其他口味⋯⋯食店有多款選擇口味的Roll Cake ,還有生酮蛋卷，但必須要預訂。由於當日沒有預訂就過來試探，口味隨心吧！反正只吃過麻薯味道，其他都沒有試過。現場其實都有很多口味選擇，詢問店員，那種口味是你們的皇牌產品，她說是原味及開心果⋯⋯由於筆者是綠茶控，最後選擇了原味及綠茶。焦香原味巴斯克$48~芝士味道濃口，質感豐富，筆者很喜歡，配咖啡相當夾檔。若竹抹茶巴斯克Tiramisu $60~作為一個抹茶控，抹茶味未夠特出，可能因為是Tiramisu 吧！整體來說:兩件蛋糕合共$108, 以荃灣區來說都算高檔次，但吃得出食店是真材實料沒有馬虎。

係屯門已經有幫襯開，即使搬完左都無減低我對佢嘅喜愛❤️巴斯克嘅款差唔多都試哂，我最最最鍾意就係食佢嘅開心果巴斯克，但唔係每日都有呢款。今日就好幸運，係隔離食完泰菜就去買左以下兩件！開心果巴斯克 HKD62具有非常濃郁的開心果味道，而且佈滿了開心果碎，令巴斯克的口感更豐富。開心果卷 HKD45忌廉好香好滑，有開心果味，好食！但這蛋糕較濕潤，唔夠鬆軟，有些小失望。小總結❤️❤️❤️❤️❤️📌會再買巴斯克

YuMo Cheese人氣蛋糕店，蛋糕經常賣晒，要早啲去買。店舖之前位於屯門，而家搬咗去荃灣香車街街市附近。巴斯克蛋糕口味好多選擇，有原味、開心果、金莎、芋泥、鹹蛋黃、伯爵茶等等，另外仲有生酮版蛋糕同毛巾卷。所有蛋糕低甜配方，唔會過甜。。開心果巴斯克 $62一食落去開心果味好濃好香，頂層仲有焗左嘅開心果，食食下會feel到芝士味都好濃。蛋糕入面係軟心接近流心，口感好滑，好似cream咁，好食。。金莎巴斯克 $60好好食，頂層係榛子味嘅朱古力，加左nuts, 做到金莎嘅口感。朱古力脆脆加埋軟心嘅cheese cake, 口感好有層次。。焦香原味巴斯克 $50好濃芝士味，頂層焗到焦香，唔會太甜。

之前訂過開心果同原味巴斯克芝士蛋糕請人食🍰。開心果有驚喜，果仁味濃，重有勁多開心果碎鋪面；原味就更食到芝士味🧀，當時食到個個都大讚同好開心😁。今日同狗狗🐕、狗狗爸爸行荃灣，諗住買件cut cake回味下。下晝5點，店裡面的巴斯克芝士蛋糕得番聊聊可數的口味，而泰茶麻糬聽落幾特別，店員都話幾受歡迎，就試下。店外有張木長櫈🪑，帶住狗狗都冇問題，不過就冇檯，要拎住或放蛋糕喺櫈上面食🍴。泰茶麻糬巴斯克芝士蛋糕🥃🍡：賣相幾靚，份量一般，特別的地方係有個法式海鹽焦糖醬另上。建議食法係先唔落醬，咁可以食到蛋糕的泰茶味，然後再加醬就可品嚐到濃味。我哋跟足。喺唔加醬的情況下，我哋食唔到泰式奶茶味🥃😑，又或者真係好淡、太淡；個麻糬🍡係餅底，有啲怪，麻糬係食口感，唔係特別好食/難食，但係佢同泰奶又好似扯唔上關係🤔。然後，落咗個醬，件蛋糕全面被法式海鹽焦糖味攻陷，唔係唔好食，但成件事會令人有好多問號🤔🤔🤔：點樣呢幾種材料、口味會擺埋一齊？harsh啲講係三不像。我本來帶住期望嚟食cake，食完失望而回，因為$58食咗一件mix & mismatch的蛋糕🥹，難以言傳果份失落感~~~🐕狗狗食評：我冇得食~~

若竹抹茶麻薯巴斯克蛋糕位於荃灣曹公坊嘅芝士蛋糕專賣店，舖頭提供少量座位同一張細枱仔可以堂食。 本來想試開心果味巴斯克蛋糕，可惜今日冇得賣。原來每日供應嘅口味原來都略有不同。 於是就退而求其次試咗抹茶麻薯巴斯克蛋糕。蛋糕外皮焗得煙韌,入口軟身,芝士味唔會蓋過抹茶味,兩者配搭得啱啱好。 中間層流心甜甜地， 帶啲乳酪嘅香味，唔會話好膩 ，下面配搭咗一層堅韌得嚟味道又淡淡地嘅麻薯， 口感層次好豐富。 一件賣50蚊，值得回頭再試。

【慶生開Party之選·蛋糕蛋卷輕食應有盡有🥳🫂】//////呢間甜品店幾個月前由屯門搬到荃灣😁無論蛋卷、蛋糕定係布丁都係每日新鮮制造～今次朋友生日 訂左佢地招牌巴斯克芝士蛋糕trytry先(´▽｀)仲有好多款味道都好吸引!!.👉🏻海鹽焦糖泰式奶茶巴斯克($360)6”吋可以for 6-8人食用👏🏻更好嘅淋海鹽焦糖醬方法可以請教店員 我地趕時間拎走蛋糕唯有自創方法😹將蛋糕切件放上碟 每人再傳醬汁分别淋上蛋糕 都食到甜絲絲嘅海鹽焦糖風味～泰式奶茶個層就用上泰國ChaTraMue手標紅茶葉🥤散發淡淡嘅奶茶味 奶茶味可以再出啲 配忌廉同芝士口感幼滑唔膩🤤———-📍芝士蛋糕專門店 (荃灣)荃灣曹公坊15號德仁樓地舖