Video
Read full review
2021-10-01
622 views
今日又係行山日，同屋企人係山上面轆落嚟，餓狼咁款。雖則荃灣出名好嘢食多，但係要遷就到晒咁多個人真係好困難，諗黎諗去最後都係決定食呢一間首先佢啲嘢真係唔貴，可以話物超所值，不過平嘢總係唔會永遠係好嘢，隔離枱真係好鬼嘈唔講唔開心嘢，講吓嘢食啦我哋嗌左五份小菜前菜就有椒鹽粟米，佢啲椒鹽鹹得來又夠香但係又唔會令到我好頸渴，啲粟米全部都脆卜卜，我個姪仔食到好開心😚媽咪話想食水煮魚，一上枱仲係滾緊，水煮魚辣香味真係令人垂涎三尺，佢啲魚非常之爽口彈牙，唔會太老亦都唔會有腥臭味；而我就叫咗我最鍾意嘅枝竹魚雲煲，一上枱非常之熱，啲魚又大大件非常抵食，順帶一提我覺得呢碟嘢嘅精華一定係蒜頭除咗呢啲嘢之外仲帶咗咕嚕肉、豉椒炒蜆、魚香茄子煲，呢三樣都係我合格水平，唔特別講啦！今次呢一餐為翻起每個人都唔使$110，一個字抵食！
雖則荃灣出名好嘢食多，但係要遷就到晒咁多個人真係好困難，諗黎諗去最後都係決定食呢一間
首先佢啲嘢真係唔貴，可以話物超所值，不過平嘢總係唔會永遠係好嘢，隔離枱真係好鬼嘈
唔講唔開心嘢，講吓嘢食啦
我哋嗌左五份小菜
前菜就有椒鹽粟米，佢啲椒鹽鹹得來又夠香但係又唔會令到我好頸渴，啲粟米全部都脆卜卜，我個姪仔食到好開心😚
媽咪話想食水煮魚，一上枱仲係滾緊，水煮魚辣香味真係令人垂涎三尺，佢啲魚非常之爽口彈牙，唔會太老亦都唔會有腥臭味；而我就叫咗我最鍾意嘅枝竹魚雲煲，一上枱非常之熱，啲魚又大大件非常抵食，順帶一提我覺得呢碟嘢嘅精華一定係蒜頭
除咗呢啲嘢之外仲帶咗咕嚕肉、豉椒炒蜆、魚香茄子煲，呢三樣都係我合格水平，唔特別講啦！
今次呢一餐為翻起每個人都唔使$110，一個字抵食！
Post
