台蔡滷肉飯

Open Now

Now Closed

開門之前都要排十分鐘隊，平日都大概排咗6-7檯人係前面，職員都有準時開門安排客人入座。店內環境都有啲狹窄，唔算話好大。肉鬆滷肉飯，$58，肉鬆同滷肉呢個配搭，甜甜鹹鹹咁又幾夾，隻蛋都混和到係入面。鹽酥雞滷肉飯套餐，$70，配菜嘅味道正常冇乜特別，鹽酥雞就有驚喜，份量多，有7-8舊，算多肉汁同嫩滑。香腸蛋餅，$40，同平時食開嘅蛋餅有啲唔同，中間係有酥皮，味道就冇乜記憶點。大紅袍珍珠奶茶，$15（跟餐價），傳統台式奶茶嘅味道，大紅袍嘅味道無話好突出，珍珠份量多。