燒烤堂

Open Now

Now Closed

今日朋友同我慶祝生日揀咗個最鍾意嘅串燒餐廳。呢間位於荃灣嘅燒烤堂非常之有日本feel！一入門就比酒櫃吸引左。燒烤選擇非常豐富，有各種肉類（唔同部位），新鮮海鮮同蔬菜等等。餐廳都好貼心，提供多種燒烤方法，例如:港/日/泰/韓/川/新疆式等，更有佢地餐廳自家口味。平時去食川式燒烤成日都係得孜然口味；呢到就可以滿足到一次過試到唔同口味，唔會咁單一。😋我哋叫咗唔少嘅肉串，有唔少嘅特別部位例如牛舌心，雞腎，雞皮，雞腳根，雞肝，雞心等，真係過足口癮！ 當然其他肉類都好好味，明太子雞腿肉，牛小排等全部都烤得非常之岩火候，啖啖肉，嫩滑又有肉脂香。另外一定要推介手工心機卷物，鹽燒豚肉荔枝卷，鹽燒豚肉露筍卷，好有驚喜，特別係荔枝卷， 估唔到口味會咁夾👍孜然豚肉韭菜卷，調味啱好唔會太濃！呢度嘅豚肉好好味，肉味濃郁，我地不停追加！佢嘅串燒仲有啲會配有雞蛋去點，真係非常日式嘅做法！波板糖形狀嘅豚肉卷同免治雞肉棒真係好好味！另外海鮮方面，蠔同魷魚鬚都係我嘅心水推介。仲有蔬菜系列，真係大滿足！再飲埋柚子同檸檬口味嘅梅酒，超級滿足！