Video
Read full review
2018-02-04
206 views
新鮮滾熱辣寫呢篇先 因爲有優惠話說星期六番工無咩野做就上下網睇下一陣有咩食，見倒‘’荃灣友‘’ facebook 寫住 88蚊粥底火鍋午市放題，只要去到或電話訂位時up得出荃灣友同埋facebook like 專業，就可以以$88免加一免茶介享用原價 $98（星期五六日加廿蚊）嘅粥底放題喇由十一點到五點，限時100分鐘。其實都唔洗諗放工就去啦訂左枱兩點兩位。坐低後就可以畫紙仔寫想食咩，午市有52款食物任選，不過每次落單最多可選五款，因為阿姐話執料個人好大意成日執漏，唔緊要，慢慢食之前睇食評話樣樣野都好好食好新鮮，真係心大心細唔知揀咩先，不過有評論話，揀花甲可以令粥底再鮮d，真係二話不說畫多兩粒呀，好可惜嘅係花甲賣晒咁唯有向第二d菜色選擇啦。其實每樣試d真係樣樣都好好味，幾款推介如下：象拔蚌 - 午市竟然有任食，就算放落粥底幾耐，都勁爽口滑牛肉 - 一向少食肥牛而選滑牛嘅我，因為滑牛更啖啖肉同埋健康d ，真係好好味，好香牛肉味而且唔會‘孩’玫瑰花豬爽肉 - 切到 🌹咁嘅豬爽肉，第一次食已經覺得好味（係呀今次第二次食阿爺）伯爵肉丸 - 混入左午餐肉所以佢係有咬口嘅午餐肉炸鮮奶 - 即食小食
話說星期六番工無咩野做就上下網睇下一陣有咩食，見倒‘’荃灣友‘’ facebook 寫住 88蚊粥底火鍋午市放題，只要去到或電話訂位時up得出荃灣友同埋facebook like 專業，就可以以$88免加一免茶介享用原價 $98（星期五六日加廿蚊）嘅粥底放題喇由十一點到五點，限時100分鐘。
其實都唔洗諗放工就去啦訂左枱兩點兩位。
坐低後就可以畫紙仔寫想食咩，午市有52款食物任選，不過每次落單最多可選五款，因為阿姐話執料個人好大意成日執漏，唔緊要，慢慢食
之前睇食評話樣樣野都好好食好新鮮，真係心大心細唔知揀咩先，不過有評論話，揀花甲可以令粥底再鮮d，真係二話不說畫多兩粒呀，好可惜嘅係花甲賣晒
咁唯有向第二d菜色選擇啦。其實每樣試d真係樣樣都好好味，幾款推介如下：
象拔蚌 - 午市竟然有任食，就算放落粥底幾耐，都勁爽口
滑牛肉 - 一向少食肥牛而選滑牛嘅我，因為滑牛更啖啖肉同埋健康d ，真係好好味，好香牛肉味而且唔會‘孩’
玫瑰花豬爽肉 - 切到 🌹咁嘅豬爽肉，第一次食已經覺得好味（係呀今次第二次食阿爺）
伯爵肉丸 - 混入左午餐肉所以佢係有咬口嘅午餐肉
炸鮮奶 - 即食小食，未係剛剛炸起咁熱辣辣但食左好滿足
粟米 - 超清甜
好味不能盡錄
食到最後要試下個粥滾成點雖然到最後都係偏淡，我地自己加左d辣泡菜再係煲一煲，超級美味呀
其實我地第一次幫襯係佢仲未轉放題任食嘅（晚飯），雖然質素好好但對於街坊黎講貴左d，今次見佢不論午市晚市都做倒放題價真係抵食好多呀，畢竟荃灣區真係太多邊爐可以揀喇。
另外值得一提嘅係佢地嘅安排問題，其實訂左位無訂位佢都無留位比你架，我地1點50分到話訂左兩點，佢竟然話未有位要等陣呀，我地前面仲有兩個人都係訂左枱當然都係同一回覆要等在場食客埋單先有得坐低啦
Post
