老厝邊

Open Now

Now Closed

荃灣大壩街不嬲都有好多野食，今次去到食台灣野嘅老厝邊試食。店鋪比較細，不過幾有台式懷舊feel，野食嘅價錢都幾親民。今次食左牛肚麵，加左麻辣，個湯底唔錯，而牛肚亦都係金錢肚，肉質軟腍而入味，整體好大碗，非常飽肚！另外花雕雞都幾特別，雞去晒骨，口感好特別，清爽得嚟帶有酒香味，唔錯！燙青菜都正常，生菜好新鮮翠綠。而大腸麵線有得揀大碗或者細碗，口味比較酸，都幾開胃，而大腸都滷得好入味。飲品叫左麥香奶茶，個人認為唔算好夾，不過都算解渴，下次有機會試其他野飲。