瀛燒居酒屋

Open Now

Now Closed

呢間荃灣居酒屋位於享和街，店舖都好容易搵到。裡裡外外都係日式裝修設計，充滿居酒屋氣氛。食物種類豐富，刺身，鍋物，串燒，食事等。照燒日本火箭魷魚筒原隻魷魚筒size 都算大嘅，雖然係燒嘅，但就係因為肉夠厚，食落去唔會太乾，咬落去仲保留到魷魚嘅口感，照燒汁都係好味嘅。蕃茄三文魚濃湯海鮮烏冬蕃茄濃湯用蕃茄肉攪拌到好滑身之餘，令到蕃茄味更加濃郁。海鮮嘅配料都多種類，令到海鮮味都好夠，鮮甜嘅濃湯底加煙韌嘅烏冬，好好嘅配搭。日本直送刺身 伊佐木是日推介嘅刺身，呢隻魚真係比較少食，估唔到都幾有驚喜。白身魚愈咬魚味愈出，除左可以點刺身醬油，仲配搭埋酸汁，味道更加特別。罐燒生蠔好cute 嘅鐵盒焗生蠔，蠔十分之鮮甜，咁樣嘅整法可以保留哂肉汁，一開蓋就聞到好海水味重。 size 都係滿意嘅！炸物，包括冬菇和秋葵居酒店嘅炸串真係靈魂，今次試下叫兩串蔬菜試下，冬菇相當大舊同厚肉，冬菇味保留哂係炸漿裡面。秋葵好爽脆同清新，值得試下。青蘋果highball 大大杯嘅威士忌highball, 叫一杯就已足夠食一餐飯同傾下計，邊飲邊食邊傾。青蘋果味好清新。白桃梳打無酒精嘅選擇都好多，同檯如有唔飲酒嘅朋水，都可以選擇。