番茄18

Open Now

Now Closed

食餐飽先去睇戲，荃灣廣場出面成條街都係野食，見呢間餐廳入面特別多人所以就揀呢間啦。蕃茄湯滑蛋牛肉米線配雞脾，雞脾入味又大隻，蕃茄湯底都ok,米線再爽d就更加好。招牌胡椒豬肚雞米線碗米線好大碗，胡椒嘅味唔係好濃，唔會好辣而且雞同埋豬肚嘅份量都好足夠，成碗面都好大碗，仲有木耳，等等嘅配菜添。華田脆脆阿華田好足料 上面仲鋪滿咗脆脆 成杯嘢都好好飲好夠味！紅豆冰大大杯夠足料，仲見到有綠豆版嘅紅豆冰下次可以試下。有d口痕仲加左個薯角，28 蚊份量好多，夠脆又好食。兩個人百幾蚊飽到食唔晒，有機會都可以再黎。