三希樓 (荃灣廣場)

Open Now

Now Closed

荃灣廣場有間叫三希樓的酒樓，入面的點心出名好味。我地一家人我過嚟食午餐。叫左五個點心和一個小菜，三個人食，非常豐富！極品流沙飽當你咬落去，就食到麵包嘅柔軟質感，入邊嘅流沙內餡就湧出嚟。流沙餡充滿濃郁的奶香味，並且帶有微微的甜味。熱辣辣香噴噴滋味十足。酒香豬潤燒賣呢一款點心非常經典，已經唔係好多茶樓有提供。大大粒嘅豬肉丸，上面鋪咗$1好大塊嘅豬潤。豬膶蒸得啱啱好，味道濃郁爽口彈牙，肉丸都好大粒入邊仲有蝦肉，啖啖肉細路仔都啱食。水晶鮮蝦餃餃皮晶瑩剔透，入邊包住鮮嫩多汁的蝦肉內餡，每一口都食到鮮蝦的鮮甜味，口感煙靭又爽口，絕對是必食點心之一。燒賣皇每一顆燒賣皇入面都包有豬肉、鮮蝦和香菇，每一隻都經點心思傅經過精心包製而成。一口咬下去，你會感受到豐富的口感和濃郁的肉香，讓人欲罷不能。香煎蘿蔔糕蘿蔔糕外皮煎至金黃酥脆，內部充滿着著蘿蔔𢇁嘅清甜味和糯米粉的香味，口感細膩。食落去有香脆嘅口感，又有又滑嘅質感。。烤椒桂花蚌這道菜有豐富海鮮味道和獨特的烤椒香氣，鮮嫩的蚌肉烤過嘅青椒一齊炒，又鮮又爽脆，散發出迷人的香氣，每一口都好滋味。