Video
Read full review
2021-06-24
44 views
呢間金屋泰國菜館所有嘅菜式都非常豐富，而且味道好好！算得上荃灣必試餐廳！餐廳環境，半間店係圓枱，半間係四人對住嘅沙發位，坐落去位置寬躺舒適！好啱一家親戚尼食。我地嗰日點左三道餸，加一個甜品，兩個人食非常飽，而且價錢都好實惠！第一道餸係：沙爹串燒雞肉雞肉串配上一大碗嘅沙爹醬！串燒雞肉量非常多，食幾啖都食唔完一串，食每一口，都係一大舊雞肉，物超所值啊！而且雞肉幾嫩滑！雞肉上面其實本身已經有些少嘅沙嗲醬，唔點醬食都有沙嗲味道！再加埋配上嘅醬汁，口感會更加豐富。有啲花生顆粒覆蓋住雞肉串！個醬汁食落似係葡汁再加上花生醬，唔辣但味道好好！ 第二道餸係：鮮菠蘿海鮮炒飯未食完雞肉串 已經上咗炒飯，店員速度好快！呢個菠蘿炒飯賣相超吸引！又足料又好味！首先成個菠蘿炒飯包含住大量嘅腰果、提子乾、菠蘿，兩個蠔，仲有其他種種炒飯元素，上面再以肉鬆、番茄等作為點綴！ 食落每一啖都係足料！首先炒飯都有住濃濃嘅咖哩味，再加上提子乾同菠蘿塊嘅配搭，就做到咖哩味到甜味都包含在內！甜味仲做一種開胃嘅效果！再加上腰果，肉鬆，令到炒飯唔會再單調，又可以食到粒粒炒飯，又食到脆口嘅配料！好豐富，值得推薦！第三道餸係：碎肉生菜包呢道
呢間金屋泰國菜館所有嘅菜式都非常豐富，而且味道好好！算得上荃灣必試餐廳！
餐廳環境，半間店係圓枱，半間係四人對住嘅沙發位，坐落去位置寬躺舒適！好啱一家親戚尼食。
我地嗰日點左三道餸，加一個甜品，兩個人食非常飽，而且價錢都好實惠！
第一道餸係：沙爹串燒雞肉
雞肉串配上一大碗嘅沙爹醬！
串燒雞肉量非常多，食幾啖都食唔完一串，食每一口，都係一大舊雞肉，物超所值啊！而且雞肉幾嫩滑！
雞肉上面其實本身已經有些少嘅沙嗲醬，唔點醬食都有沙嗲味道！再加埋配上嘅醬汁，口感會更加豐富。
有啲花生顆粒覆蓋住雞肉串！個醬汁食落似係葡汁再加上花生醬，唔辣但味道好好！
第二道餸係：鮮菠蘿海鮮炒飯
未食完雞肉串 已經上咗炒飯，店員速度好快！
呢個菠蘿炒飯賣相超吸引！又足料又好味！
首先成個菠蘿炒飯包含住大量嘅腰果、提子乾、菠蘿，兩個蠔，仲有其他種種炒飯元素，上面再以肉鬆、番茄等作為點綴！ 食落每一啖都係足料！
首先炒飯都有住濃濃嘅咖哩味，再加上提子乾同菠蘿塊嘅配搭，就做到咖哩味到甜味都包含在內！甜味仲做一種開胃嘅效果！再加上腰果，肉鬆，令到炒飯唔會再單調，又可以食到粒粒炒飯，又食到脆口嘅配料！好豐富，值得推薦！
第三道餸係：碎肉生菜包
呢道菜好適合一啲無辣不歡嘅朋友仔！相信廚師落左好多辣椒，因為真係非常辣，但又會令人食完又再想食！
層層嘅碎肉同辣椒、洋蔥，芫荽炒埋！
味道好香，當然仲好強烈！
唔可以唔提，肉量非常多。基本上包完所有菜都仲可以再拎啲尼配炒飯食。又係必食之選！
碎菜同炒飯一齊食都幾夾！
甜品方面：芒果糯米飯
禁豐富嘅晚餐梗係配甜品！我地就叫左芒果糯米飯
佢嘅糯米飯飯係由紫米同糯米組成，上面鋪上椰奶。 糯米飯啱啱上菜時暖暖地 同芒果一齊放，非常之夾，甜味同椰香一齊喺口入面，難以形容嘅好食！
芒果更加係非常軟熟，超級甜，必食！
喺金屋泰國菜館食咗一餐非常豐富又完整嘅晚餐！推薦比鐘意食泰國菜嘅朋友！
Post
