泰·初夏

Open Now

Now Closed

前排去開荃灣同朋友打邊爐，今次試左間泰式火鍋放題，環境都好闊綽，選擇都好多，CP值幾高今次叫左set B ，食足90分鐘每位$238，仲有得食雞煲同牛板腱!呢個Set既雞煲係任食，加入南薑、香茅、檸檬葉等配料製成，可揀唔同辣度，味道好香，雞肉大大件又嫩滑，值得一試食完可以揀湯底打邊爐，有5款選擇，今次揀左鴛鴦湯底(冬陰功湯同椰汁雞湯)，冬陰功酸酸辣辣好開胃，椰汁雞湯清甜帶椰香，最岩用黎煮菜不油膩呢個餐可以任食5款肉類，精選牛板腱、澳洲250日榖飼牛卡樂Beef、西班牙豚肉片、酒嫩雞件同牛胸爽，牛板腱肉質嫩滑，牛卡樂Beef牛味香濃，平時比較少見既牛胸爽呢度都有得食，爽口彈牙幾特別自助區有好多打邊爐配料，亦有啲冷盤小食同炸物，選擇豐富蔬菜、丸類、麵食應有盡有，平時比較少見泰式魚蛋，亦有魷魚、牛佰葉等選擇，用QR Code可以落倒啲墨魚滑同蝦滑，推介大家試下金邊粉，平時港式邊爐好少見，配埋個湯底一齊食大滿足小食必點泰式串燒，豬、牛、雞都有，燒得剛剛好，配埋醬汁好惹味! 另外仲有薄餅、豬頸肉、泰式豬手、各式炸丸，水準都好高好好食甜品當然唔少得有千層糕、椰汁西米糕等泰式甜品，仲有雪糕雪條任食