瀛燒居酒屋

Open Now

Now Closed

今日約左朋友係荃灣食晚飯，意外發現左一間環境唔錯，食物有質素既居酒屋。餐廳高二層，入面裝潢非常之日式，佈置都幾有心機。我地首先點左三點盛盒刺身，可以自由配搭唔同刺身，我哋揀咗油甘魚、吞拿魚同赤蝦。三款都非常新鮮，吞拿魚同油甘魚入口即溶。第二樣點咗清酒煮大蜆，蜆非常大隻厚肉，清酒湯都好濃郁，不知不覺連湯底都飲晒咁滯。主食方面，我哋叫咗牛腸鍋，唔係好多地方有呢個菜，所以一見到就點左。牛腸夠乾淨，配料都好多。海膽玉子燒，份量都幾多，玉子加上海膽一啲都唔dry,提升左口感。