Video
Read full review
2022-07-15
59 views
今日車車去左荃灣交收, 之後就順便係附近食埋晚飯, 見到E間新開嘅三代目都幾多人排, 於是就入去試下, 入面裝潢幾靚, 仲有大大個達摩牆, 打卡好靚! 店員安排左車車坐係bar枱, 可以望住廚師整野食真係好開心🌟松露紋甲墨魚E道日式涼拌雖然係前菜, 但份量幾多, 墨魚超粗超大條, 口感爽脆彈牙, 配搭酸酸地嘅醬汁, 青瓜同蕃茄真係超級開胃🌟佃煮小女子核桃車車其中一個好中意嘅佐酒小吃嚟, 入面有咸咸甜甜嘅小魚干同核桃, 簡直係會食唔停口, 有埋酒仲不得了🌟串燒拼盤串燒拼盤有雞肉京蔥，牛肉露筍同甜薯, 全部即點即燒, 上枱時熱辣辣聞到陣陣蔥香, 嫩滑嘅雞肉配搭清新爽脆嘅京蔥, E個組合向來係無得輸, 牛肉露筍燒得幾juicy, 調味剛好, 味道不錯 🌟一口壽司車車望到個menu已經好想食嘅一口壽司就叫左兩款, 分別係火炙帶子同粉嫩吞拿魚, 壽司用紫菜裝住, 帶子幾大粒, 火炙後食落帶有微微溏心效果, 而且味道幾鮮甜, 粉嫩吞拿魚蓉堆滿壽司飯, 食落鮮味大滿足🌟紫蘇燒豚梅肉拉麵夏天最岩食d酸酸地嘅食物, 拉麵份量幾足, 燒豚梅肉層肥層瘦油脂甘腴, 口感軟腍, 配搭梅子香, 食落開胃又解膩🌟汁
🌟松露紋甲墨魚
E道日式涼拌雖然係前菜, 但份量幾多, 墨魚超粗超大條, 口感爽脆彈牙, 配搭酸酸地嘅醬汁, 青瓜同蕃茄真係超級開胃
🌟佃煮小女子核桃
車車其中一個好中意嘅佐酒小吃嚟, 入面有咸咸甜甜嘅小魚干同核桃, 簡直係會食唔停口, 有埋酒仲不得了
🌟串燒拼盤
串燒拼盤有雞肉京蔥，牛肉露筍同甜薯, 全部即點即燒, 上枱時熱辣辣聞到陣陣蔥香, 嫩滑嘅雞肉配搭清新爽脆嘅京蔥, E個組合向來係無得輸, 牛肉露筍燒得幾juicy, 調味剛好, 味道不錯
🌟一口壽司
車車望到個menu已經好想食嘅一口壽司就叫左兩款, 分別係火炙帶子同粉嫩吞拿魚, 壽司用紫菜裝住, 帶子幾大粒, 火炙後食落帶有微微溏心效果, 而且味道幾鮮甜, 粉嫩吞拿魚蓉堆滿壽司飯, 食落鮮味大滿足
🌟紫蘇燒豚梅肉拉麵
夏天最岩食d酸酸地嘅食物, 拉麵份量幾足, 燒豚梅肉層肥層瘦油脂甘腴, 口感軟腍, 配搭梅子香, 食落開胃又解膩
🌟汁燒五花豚丼
五花豚外脆內嫩, 配上惹味醬汁, 唔洗10分鐘已經清哂
🌟雪芝大紅袍
原來餐廳同三茶合作, 係鋪頭入面可以點三茶, 大紅袍清醇濃郁, 配上厚厚嘅芝士奶蓋, 邪惡至極
🌟鮮芒果百香烏龍
用左堅嘅新鮮芒果肉一齊整, 芒果味道香甜, 用真芒果味道真係會唔同左! 除左好飲, 飲落仲好開胃解渴同消暑
Post
