Video
Read full review
2021-05-04
327 views
經過見到呢間日式拉麵店好多人排隊，咁多人排隊等嘅嘢食一定係好食嘅，就試一試啦！排隊嘅時候店員會比餐牌你，等你可以慢慢諗想食咩拉麵，店舖主要賣五種拉麵，分別係魚介豬骨湯拉麵，骨膠原撈麵，伊台風(蕃茄芝士湯底)，沾麵，同埋限定嘅極限台風。🍴 魚介豬骨湯拉麵 $78今次試一試佢個基本拉麵，店舖建議試咗個湯最後先撈魚介粉。食麵一定要飲湯先，個湯超級濃豬骨魚介味，食得到魚介嘅鮮味，唔會好鹹，好好飲。個麵嘅份量好大，應該係一般拉麵鋪嘅1.5倍，如果食唔晒可以叫少啲份量嘅麵，個麵係比較粗，軟硬適中，好有口感，好彈牙，個人比較鍾意粗嘅麵。叉燒比較瘦，但唔會太鞋口，ok好食。糖心蛋，雖然得半隻，唔係好夠食，但蛋味好濃。佢都有好多調味料提供，有蒜蓉，辣油，胡椒，七味粉，都好推薦大家加唔同嘅調味料，可以提升拉麵嘅層次，亦都唔會食淨係識一個味道會覺得好寡，我就比較鍾意蒜蓉同辣油，真係好香口，令到拉麵更豐富。推薦指數: 9/10整體嚟講，真係好高性價比，$78食咗一碗份量咁多咁高質嘅拉麵，真係覺得自己賺咗！推薦！
排隊嘅時候店員會比餐牌你，等你可以慢慢諗想食咩拉麵，店舖主要賣五種拉麵，分別係魚介豬骨湯拉麵，骨膠原撈麵，伊台風(蕃茄芝士湯底)，沾麵，同埋限定嘅極限台風。
🍴 魚介豬骨湯拉麵 $78
今次試一試佢個基本拉麵，店舖建議試咗個湯最後先撈魚介粉。
食麵一定要飲湯先，個湯超級濃豬骨魚介味，食得到魚介嘅鮮味，唔會好鹹，好好飲。
個麵嘅份量好大，應該係一般拉麵鋪嘅1.5倍，如果食唔晒可以叫少啲份量嘅麵，個麵係比較粗，軟硬適中，好有口感，好彈牙，個人比較鍾意粗嘅麵。
叉燒比較瘦，但唔會太鞋口，ok好食。
糖心蛋，雖然得半隻，唔係好夠食，但蛋味好濃。
佢都有好多調味料提供，有蒜蓉，辣油，胡椒，七味粉，都好推薦大家加唔同嘅調味料，可以提升拉麵嘅層次，亦都唔會食淨係識一個味道會覺得好寡，我就比較鍾意蒜蓉同辣油，真係好香口，令到拉麵更豐富。
推薦指數: 9/10
整體嚟講，真係好高性價比，$78食咗一碗份量咁多咁高質嘅拉麵，真係覺得自己賺咗！推薦！
魚介豚骨湯拉麵
$78
52 views
0 likes
0 comments
Post
