Video
Read full review
2023-05-30
318 views
食泰國野通常都係諗起九龍城，但有個朋友介紹有間係荃灣既泰國野都好好食，係泰國人主理既，呢日黎到荃灣行街一於去試下🐷泰式炒通菜 $72呢個餸基本上我食親泰國野都會叫，中意食泰式辣辣地既煮法；通菜黎到份量好多，呢個菜好惹味，微微既辣味好開胃，而通菜食落口入味得黎都仲係好嫩🐷金不換辣椒膏炒蜆 $88 (咖喱炒 +$20)特登加錢要左咖喱去炒蜆，咖喱唔辣係多椰奶果種，甜甜地好好撈飯，配料好似洋蔥青椒等等都好入味，至於蜆既份量好多，好新鮮唔會話煮完甩晒殼，而且食落口只係零星一兩隻有沙👍🏻👍🏻🐷泰式香茅燒雞(半隻) $98燒雞等既時間較耐，但雞黎到聞到好香就覺得好值得等；燒雞配有燒雞汁，唔點汁都好夠味；點左燒雞汁酸酸地又係另一種風味；雞肉好嫩有肉汁，唔會燒到乾晒，連雞皮都好好食；而且半隻雞都唔係用好細隻既雞，半隻份量都好多👍🏻👍🏻👍🏻🐷菠蘿沙冰 $30呢杯份量好足，飲落去好香菠蘿味但唔算好甜，呢個沙杯岩晒夏天飲，超級清暑解渴🐷椰汁三色冰 $30椰汁三色冰入面既粒粒好爽有咬口，椰汁好香椰味但又唔會話好甜
🐷泰式炒通菜 $72
呢個餸基本上我食親泰國野都會叫，中意食泰式辣辣地既煮法；通菜黎到份量好多，呢個菜好惹味，微微既辣味好開胃，而通菜食落口入味得黎都仲係好嫩
🐷金不換辣椒膏炒蜆 $88 (咖喱炒 +$20)
特登加錢要左咖喱去炒蜆，咖喱唔辣係多椰奶果種，甜甜地好好撈飯，配料好似洋蔥青椒等等都好入味，至於蜆既份量好多，好新鮮唔會話煮完甩晒殼，而且食落口只係零星一兩隻有沙👍🏻👍🏻
🐷泰式香茅燒雞(半隻) $98
燒雞等既時間較耐，但雞黎到聞到好香就覺得好值得等；燒雞配有燒雞汁，唔點汁都好夠味；點左燒雞汁酸酸地又係另一種風味；雞肉好嫩有肉汁，唔會燒到乾晒，連雞皮都好好食；而且半隻雞都唔係用好細隻既雞，半隻份量都好多👍🏻👍🏻👍🏻
🐷菠蘿沙冰 $30
呢杯份量好足，飲落去好香菠蘿味但唔算好甜，呢個沙杯岩晒夏天飲，超級清暑解渴
🐷椰汁三色冰 $30
椰汁三色冰入面既粒粒好爽有咬口，椰汁好香椰味但又唔會話好甜
Post
