泰玖

Open Now

Now Closed

荃灣有好多美食。最近又去咗呢間位於荃灣曹公坊的泰玖Thai nine. 餐廳裝修好有泰國feel，店內嘅佈置好豐富，每個角落嘅佈置都好靚好特別，好有心思。同埋好有工業風，最啱打卡。佢有上下兩層。樓下有吧枱坐位，樓上有圓枱同長枱，空間寬敞。今次我哋叫咗泰式鮮蝦金柚沙律$68。柚子肉份量好多，酸酸甜甜好開胃。金不換炒軟殼蟹$168。軟殼蟹份量好大，味道不錯。抵食夾大件。泰式芒果糯米飯$68。好鍾意呢個甜品，味道非常好味。糯米飯夠暖，口感好好。佢分別用咗紫糯米同白色糯米飯去做呢個甜品，賣相亦非常特別，一碟有5件壽司型狀嘅芒果糯米飯。😍新鮮椰青$48熱泰式香茅茶$28呢間泰國餐廳CP值高，食物的定價貼地。佢亦都有做午市套餐，下次午飯時段嚟試吓先。