蠔得喜 (Closed)

嚟荃灣掃街一定會去路德圍，係美食集於一身嘅荃灣，一間小店要屹立8年真係吾容易，同老闆娘傾偈途中透露因為夏天太熱又冇冷氣嘅情況下，要做咁耐真係好辛苦，再加上物價上升嘅情況下，唯有係5月1日結束營業，真係好可惜，大真係要尊重飲食業辛勞嘅大家🫶🏻🫶🏻戲棚蠔餅，小（🌟91.56/100）💲小：40；大：55即叫即炸嘅所以需要等10-15分鐘，可選擇吾同嘅調味料，胡椒粉、魚露、甜醬、辣醬、芫茜，蠔餅約一隻手掌咁大，內有除咗蠔仔外，仲有蔥花增加香氣，蠔仔約一隻手指甲大小，完全冇腥味帶點鮮味，粉漿好薄身，而且炸得好脆口，蠔仔畀嘅份量都好多，每一啖都食到蠔仔，食到辣嘅一定要加辣醬，味道更升華、更惹味🤤🤤🤤