Thirty First of May (Closed)

成日黎荃灣食飯，總要發掘新野先唔會食黎食去果幾間，今次俾我發掘左哩間新開西餐廳好正的。個人覺得哩間餐廳佈置同設計喺荃灣算靚同高級，個名仲幾特別，容易記住。入到餐廳俾哩2個高掛月球吸引住，好靚呀，全晚食飯都間唔中望下，我好中意月球燈。餐廳設計用左多種元素，裝修得好靚。叫左哩個和牛肉眼扒2人套餐，要慰勞一下自己。前菜係三文魚牛油果沙律，好新鮮既三文魚，牛油果又係我favourite,所以好快清左碟沙律。餐湯揀左甘筍湯同黑松露野菌忌廉湯第一次飲甘筍湯原來係咁甜咁好味，本身抱住試下可能伏既心態，點知係咁好飲，野菌湯係意料之內既味道，較濃，野菌打成蓉都好好飲，未試過有一間餐廳係我覺得連餐包都咁好食，唔洗點沙律醬，就咁食暖暖地超正，甜甜既提子包其實食完再想食，我食埋朋友果舊。黑松露野菌意大利飯忌廉汁同芝士味突出，好香，多菇菌，意大利飯煮得岩岩好，有咬口但唔會覺得硬。M5和牛肉眼扒配薯蓉叫左7成熟，用香草將蒜油掃上肉眼上超香，只要肉新鮮真係用最簡單調味就最好，7成仍煎得好嫩，正！薯蓉超大配，好滑但食唔晒，已經好飽。哩餐食得好滿足，其中一讚係餐廳俾暖水客人飲，貼心服務。