WM Café & Bar (海之戀商場)

Open Now

Now Closed

荃灣西朋友聚腳嘅好選擇，食物質素高，價錢又相當合理，今晚同朋友再次幫襯，支持一下本土小店～套餐我地揀左是日餐湯（蕃茄湯），蕃茄湯好香濃，用好多粒粒蕃茄煮成～餐飲就揀左凍百香果茶，清新唔甜，解膩一流～主菜就揀左香煎帶子海鮮龍蝦汁扁意粉，海鮮新鮮，扁意粉彈牙，掛埋濃郁嘅龍蝦汁，惹味呢～呢個餐好抵食，送埋熱辣辣嘅黑糖餐包同藍梅芝士蛋糕，都係$178，超值又好食～烤大啡菇野菌芝士意大利飯 $128呢到嘅意大利飯係必食！！意大利飯煮到好軟身，配埋野菌汁，絕配！份量十分多！單點加$38可以送埋湯同小食，龍蝦湯係必飲！絕對唔係罐頭煮出黎，真係好用心，要讚！