Vision 8

行過呢間小小西餐廳見到門口有個特價優惠80蚊可以食到豬鞍扒，所以衝咗入嚟試一試。首先叫個煙三文魚凱撒沙律，呢個沙律用咗新鮮嘅沙律菜，加上煙三文魚，味道鹹香，再配上是日餐湯餐包，都特別喜歡佢嘅手作牛油！另外嘅主菜都叫咗個鮮菇蜆茄醬燴意大利麵，呢道菜嘅意粉吸咗濃郁嘅茄汁，配上新鮮嘅蜆同埋菇菇，味道真係好鮮美，每一口都令人驚喜。最後，蘋果木燒西班牙黑毛豬鞍扒，肉質非常柔嫩，搭配野菌汁，食落去真係好滿足，完全停唔到口。呢道菜嘅性價比都好高，趁佢80蚊真係值得一試。