紅葉茶屋 (海之戀商場)

Open Now

Now Closed

去咗荃灣西買嘢，午餐揀咗呢間日本餐廳，見佢好多食物選擇，又有定食好吸引。豪華和牛肉壽喜燒定食$218定食套餐有漬物伴碟，並配有昆布麵豉湯。壽喜燒有好多大大片嘅和牛，肉質鮮嫩，食得出真係高質和牛。配菜嘅鮮冬菇、豆腐、本菇、蔬菜吸收咗醬汁，啱晒用嚟餸飯。天氣開始轉涼，食完鍋物感覺暖笠笠。照燒三文魚定食$138三文魚好厚肉，好有誠意。照燒汁好入味，肉質一啲都唔嚡口，仲有輕微焦香，點少少沙律醬又有另一種味道。配菜係新鮮沙律菜，口感清爽。炸牛肉薯餅 (+$15)小食加配咗炸牛肉薯餅，薯餅咬落外層鬆脆，裡面嘅薯肉好綿密，加上一啲牛肉碎，味道濃郁，好香口。抹茶白玉紅豆窩夫$68窩夫外脆內軟，配有紅豆蓉、抹茶雪糕，食落唔會太甜。白玉煙煙韌韌，有原味、抹茶口味兩款。呢款係一道冷熱兼備，多種口感嘅甜品。