Video
Read full review
2020-05-11
571 views
生牛肉同湯河分開上，可以自行決定牛肉嘅生熟程度。作為一個想減肥嘅人，揀越南菜嚟食就最啱！貪佢烹調手法傾向天然清淡，又多菜多海鮮。早2日去荃灣行街，剛好經過享和街，就揀小越廚用晚膳。呢度唔算好大，不過設有排排卡位，坐得幾舒服。至於價錢方面，大部分套餐都在HK$40-HK$60之間，相當親民。 呢個係自選湯河餐，加埋都係HK$50咋！好抵！話得主打越南菜，一定要食生牛肉湯河！我幾鍾意呢度湯河會同生牛肉分開送上嘅，可以按個人嘅喜好，控制牛肉嘅生熟程度。好似我比較鍾意熟啲，就會趁湯仲熱時放牛肉，利用湯嘅熱力將牛肉浸熟，反而，鍾意生啲，可攤一陣先放肉。 呢邊嘅生牛肉，感覺比平時食到嘅厚，我第一下有少少食唔慣，但其實厚少少嘅肉片較有咬口，爽口得嚟不失鮮嫩，唔錯。至於個湯底，感覺幾正宗嘅牛骨湯鮮甜鹹香。雖然老實說，一定唔及越南時食到嘅清甜，偏向濃厚，但隱隱帶有香料的餘韻，味道大概都有越南正宗餐廳嘅7、8成水準，以50蚊左右嘅價位嚟講，絕對物有所值。 跟餐嘅泰式蝦餅，份量都唔少！ 米紙蝦卷夠低卡，又大份，減肥一流。我另外仲叫咗炸蝦餅、米紙蝦卷。炸蝦餅略嫌薄咗少少，不過酥脆可口，沾醬酸酸甜甜，
招牌生牛肉同湯河
$43
25 views
0 likes
0 comments
作為一個想減肥嘅人，揀越南菜嚟食就最啱！貪佢烹調手法傾向天然清淡，又多菜多海鮮。
早2日去荃灣行街，剛好經過享和街，就揀小越廚用晚膳。呢度唔算好大，不過設有排排卡位，坐得幾舒服。至於價錢方面，大部分套餐都在HK$40-HK$60之間，相當親民。
自由選配湯河（生牛肉＋泰式炸蝦餅＋生菜）
$50
15 views
0 likes
0 comments
話得主打越南菜，一定要食生牛肉湯河！我幾鍾意呢度湯河會同生牛肉分開送上嘅，可以按個人嘅喜好，控制牛肉嘅生熟程度。好似我比較鍾意熟啲，就會趁湯仲熱時放牛肉，利用湯嘅熱力將牛肉浸熟，反而，鍾意生啲，可攤一陣先放肉。
呢邊嘅生牛肉，感覺比平時食到嘅厚，我第一下有少少食唔慣，但其實厚少少嘅肉片較有咬口，爽口得嚟不失鮮嫩，唔錯。
至於個湯底，感覺幾正宗嘅牛骨湯鮮甜鹹香。雖然老實說，一定唔及越南時食到嘅清甜，偏向濃厚，但隱隱帶有香料的餘韻，味道大概都有越南正宗餐廳嘅7、8成水準，以50蚊左右嘅價位嚟講，絕對物有所值。
跟餐嘅泰式蝦餅，份量都唔少！
米紙蝦卷
$44
20 views
0 likes
0 comments
我另外仲叫咗炸蝦餅、米紙蝦卷。炸蝦餅略嫌薄咗少少，不過酥脆可口，沾醬酸酸甜甜，幾開胃。而米紙蝦卷就勁多料，大量蔬菜、九層塔、蝦皮，札札實實兩大條，配搭埋濃郁嘅花生醬，食完好滿足。
凍羅漢果茶
$16
15 views
0 likes
0 comments
最後，飲品我揀咗羅漢果茶，好少餐廳有得點咁有益嘅嘢～（心裡撒花）
羅漢果自帶甜味，又有清肺止咳、潤腸通便嘅功能，解毒一流！
P.S. 呢餐我預計總卡路里在700卡內，真心食晒都無罪惡感！推薦！
自由選配湯河（生牛肉＋泰式炸蝦餅＋生菜）HK$50
自製羅漢果茶HK$16（跟餐減$10）
米紙蝦卷 HK$44
餐廳唔大，但坐得尚算舒服。
牆上好多越南飾物。
附設餐廳Menu，供大家參考。
★－:+:－:+:－:+:－:+:－★
🎡味道：4
🎠環境：3
🎪服務：4
🕌CP值：4.5
（*5為最高分）
★－:+:－:+:－:+:－:+:－★
◌ 小越廚
◌ 荃灣享和街49號都城大廈地下D舖
★－:+:－:+:－:+:－:+:－★
Post
