Video
Read full review
2023-07-07
33 views
今日想食日本野，就黎到荃灣食左間幾正的居酒屋，一入到去好有日本小店風味，配合埋日文歌，感覺真係好似去左日本咁。我們都急不及待叫左不少野食。黎到當然要黎一壺凍清酒，有成300ML，，依款好易入口和滑身，但臨走都唔記得問係咩牌子。而我就叫左白桃燒酌，原來酒精濃度都唔底，但飲落甜甜地唔覺好重酒味，飲飲下好快飲完，但個人就紅卜卜。叫左幾款期間限定推介試下，個水母刺身，非常彈牙爽口，連埋檸汁一拼進食非常鮮味和開胃，當中有榨菜和木耳，推介。刺身一定唔少得，叫左三點盛合是可自由配搭刺身，我地揀左油甘魚和赤身，刺身食落好新鮮，而且是厚切。特色燒飯團，燒飯團要趁熱食，飯團燒得岩岩好，特別喜愛佢表面的飯焦，連同酸蘿蔔一齊食可帶出飯香。蟹肉蟹糕米紙卷，佢個醋汁連同米紙卷食非常夾，一舊放入口，食到有不少的蟹肉，青瓜的清新，而個醬汁不會蓋過蟹的味道。提燈串，非常特別，印像中唔係度度都有得食，入黎的話都真是要試試。串燒：黑豚腩，雞肝，鵪鶁蛋，炸物的粉不厚，入口不油好香脆，黑豚腩真心不錯。醬汁有點似大阪燒醬，點黎食又幾夾。生蠔罐罐燒一黎到係一個鐵盒，一打開有2隻好大的蠔係入面，職員叫我地快點趁熱食，食落好重蠔味好鮮
今日想食日本野，就黎到荃灣食左間幾正的居酒屋，一入到去好有日本小店風味，配合埋日文歌，感覺真係好似去左日本咁。我們都急不及待叫左不少野食。
黎到當然要黎一壺凍清酒，有成300ML，，依款好易入口和滑身，但臨走都唔記得問係咩牌子。
而我就叫左白桃燒酌，原來酒精濃度都唔底，但飲落甜甜地唔覺好重酒味，飲飲下好快飲完，但個人就紅卜卜。
叫左幾款期間限定推介試下，個水母刺身，非常彈牙爽口，連埋檸汁一拼進食非常鮮味和開胃，當中有榨菜和木耳，推介。
刺身一定唔少得，叫左三點盛合是可自由配搭刺身，我地揀左油甘魚和赤身，刺身食落好新鮮，而且是厚切。
特色燒飯團，燒飯團要趁熱食，飯團燒得岩岩好，特別喜愛佢表面的飯焦，連同酸蘿蔔一齊食可帶出飯香。
蟹肉蟹糕米紙卷，佢個醋汁連同米紙卷食非常夾，一舊放入口，食到有不少的蟹肉，青瓜的清新，而個醬汁不會蓋過蟹的味道。
提燈串，非常特別，印像中唔係度度都有得食，入黎的話都真是要試試。
串燒：黑豚腩，雞肝，鵪鶁蛋，炸物的粉不厚，入口不油好香脆，黑豚腩真心不錯。醬汁有點似大阪燒醬，點黎食又幾夾。
生蠔罐罐燒一黎到係一個鐵盒，一打開有2隻好大的蠔係入面，職員叫我地快點趁熱食，食落好重蠔味好鮮，勁多汁。
蟹糕玉子燒，玉子燒上枱好熱辣辣，睇得出店舖不惜功本，啖啖蟹糕，同時都有香香的蛋味。
店舖上菜速度非常快，而且環境好有氣氛，原來店舖仲有酒之放題，好吸引。
Post
