Vision 8

今日朋友帶我黎咗荃灣兆和街既Vision 8食晚餐。首先黎咗餐包同個餐湯，今日個餐湯係雜菜湯，入邊好足料，見到有好多唔同種類嘅菜，而且飲落去淡淡蕃茄香。小食就叫咗黑松露薯條，除咗薯條上面有黑松露之外，仲跟咗個黑松露醬，點完食落口真係滿滿既松露味。主菜面就叫咗西班牙風乾火腿薄餅，呢度既薄餅係薄身而且有芝士，食落去好脆口，每啖都食到西班牙火腿既香味，跟住配埋火箭菜中和返，好食到令人食唔停。另外，仲叫咗清蒸菠菜龍脷魚配甜椒汁，出到黎賣相好特別，原來係龍利捲住波菜，加埋甜椒汁好開胃，隔離個忌廉薯仔配菜都好出色。離開既時候見到門口有個豬鞍扒6點後有優惠，下次有機會既話要黎試吓！