Thirty First of May (Closed)

是日慶祝拍拖周年，男朋友仔話帶我去荃灣一邊賞月，一邊食和牛喎，咁搞笑❓離遠見到餐廳門口，忍唔住要影低，好靚，似係示範單位多過餐廳只要輕輕抬頭，就見到一大一細，兩個月亮好醒目咁掛係天花止，現場仲見到月亮上面既凹凸坑紋餐廳所用既餐具都好有藝術感，唔對稱既碟好有美感，睇得出餐廳都好注重細節叫左澳洲M5 和牛肉眼扒2人套餐頭盤揀左新鮮三文魚、牛油果配脆包粒沙律三文魚份量好多，配蜜糖芥末汁幾襯，牛油果令沙律口感Creamy,令人一啖接一啖停唔到口湯有兩款可以揀，揀唔到就每款各一啦‼️南瓜薯仔湯望落啲成件藝術品咁，飲落好Creamy,微微有蕃茄既酸味，幾開胃黑松露野菌忌廉湯亦相當creamy,黑松露味道好濃，係少有我飲過又靚又好飲既湯好搞笑用中式蒸籠裝住既餐包Pasta 揀左蟹肉露筍扁意粉啖啖蟹肉絲，配埋芝士忌廉汁，好邪惡，而露筍就岩岩好可以令整體Fresh 番扁意粉好煙un,整體係非常match!我最期特既和牛黎啦！叫左5成熟，黎到雖然比我預計熟左啲啲，但都冇影響到味道！正所謂真金不怕烘爐火油脂分佈好平均，入口你會食到牛油既香，亦會食到牛肉既嫩滑，兩者融合，非常高分‼️和牛牛味唔會好濃，但係鮮嫩多汁