瀛燒居酒屋

Open Now

Now Closed

喺日本食過牛腸鍋之後就念念不忘，朋友今日介紹我去荃灣食一間隱世居酒屋「瀛燒居酒屋」，推介佢哋嘅牛腸鍋，一於就去試一試佢✌🏻去到餐廳門口已經見到差唔多坐滿晒人，好彩有訂位啫😆入面嘅裝修好有特色，同日本嘅居酒屋一樣，牆上貼滿日本嘅海報同埋掛咗日本嘅燈籠🏮最可惜聽日要返工，如果唔係一定試吓佢嘅$199啤酒同清酒放題🥲牛腸鍋牛腸、金菇、冬菇、雞髀菇、京葱、黃芽白、白菜、粉條一上枱會用個爐熱住等佢煲滾，湯底帶點微辣，牛腸偏瘦而冇羶味，咬落去煙煙韌韌帶油脂香，所有蔬菜都吸滿湯汁嘅味道，水準拍得住日本嘅牛腸鍋👍🏻刺身三點盛合三文魚、赤身、帆立貝三文魚充滿魚油香，入口柔滑肥美，帆立貝新鮮爽口，加上魚籽口感豐富飛魚籽玉子燒推介👍🏻入口絲滑充滿蛋汁嘅玉子燒加入飛魚籽，可以根據自己嘅喜好灑上蔥花同蘿蔔蓉，味道一流煙燻豬肝味道有啲似鮟鱇魚乾，配上蔥花同酸汁，入口細膩而香濃，非常適合送酒嘅小食串炸三文魚親子、日本白飯魚蛋、沙錐魚、日本青椒仔佢哋嘅炸串亦做得非常出色，炸粉唔會過厚，魚肉嫩滑，白飯魚蛋爽口彈牙，青椒仔外脆內軟串燒秋葵、番薯仔、冬菇最後我哋點咗幾串蔬菜，番薯仔香甜軟糯，冬菇香口又juicy，秋葵爽脆加