Video
Read full review
2024-06-18
14 views
幾個朋友都向👧🏻推介燒烤堂嘅串燒相當高質素，加上佢地嘅分店都算唔少，今次👦🏻👧🏻終於搵到機會一試！餐廳面積不小但平日晚上都可以Full House ，證明呢間餐廳都係值得一試！🌟焦糖青蘋果鵝肝多士鵝肝厚切肥美，煎至金黃色，咬落微微脆口而內裏多汁，配上青蘋果做到解膩既效果，而多士就夠哂脆口，值得推介！🌟鹽燒豚肉荔枝卷//牛油果豚肉卷呢度嘅手工心機卷物選擇相當多，仲要每一款都好吸引，例如無花果豚肉卷、海苔黑豚肉鵪鶉蛋，今次就唯有揀住兩款試下先！豚肉烤得非常透，瘦肉同脂肪嘅層次非常分明，脂肪烤得香脆唔會覺得油膩，再捲埋香甜多汁嘅荔枝果肉/熟透軟滑嘅牛油果🥑，食完唔會覺得滯膩！🌟汁燒免治雞肉軟骨釀冬菇//汁燒免治雞肉軟骨棒（付月見）月見汁燒免治雞肉軟骨棒相當普遍，喺其他串燒店都可以食到，味道亦一如預期，還有不少雞軟骨粒，相當有咬口，配埋醬油同蛋黃，質感更加Creamy。而免治雞肉軟骨釀冬菇就喺出面相對少見，讓入冬菇🍄口感更加豐富，都係唔錯嘅選擇。🌟麻辣豬大腸//汁燒赤雞心豬大腸清新得十分乾淨，豬大腸食落唔錯，而麻辣則令豬大腸昇華；雞心新鮮惹味，配上燒汁簡直一流配搭！🌟中切鹽燒牛舌芯//鹽燒A4
🌟焦糖青蘋果鵝肝多士
鵝肝厚切肥美，煎至金黃色，咬落微微脆口而內裏多汁，配上青蘋果做到解膩既效果，而多士就夠哂脆口，值得推介！
🌟鹽燒豚肉荔枝卷//牛油果豚肉卷
呢度嘅手工心機卷物選擇相當多，仲要每一款都好吸引，例如無花果豚肉卷、海苔黑豚肉鵪鶉蛋，今次就唯有揀住兩款試下先！豚肉烤得非常透，瘦肉同脂肪嘅層次非常分明，脂肪烤得香脆唔會覺得油膩，再捲埋香甜多汁嘅荔枝果肉/熟透軟滑嘅牛油果🥑，食完唔會覺得滯膩！
🌟汁燒免治雞肉軟骨釀冬菇//汁燒免治雞肉軟骨棒（付月見）
月見汁燒免治雞肉軟骨棒相當普遍，喺其他串燒店都可以食到，味道亦一如預期，還有不少雞軟骨粒，相當有咬口，配埋醬油同蛋黃，質感更加Creamy。而免治雞肉軟骨釀冬菇就喺出面相對少見，讓入冬菇🍄口感更加豐富，都係唔錯嘅選擇。
🌟麻辣豬大腸//汁燒赤雞心
豬大腸清新得十分乾淨，豬大腸食落唔錯，而麻辣則令豬大腸昇華；雞心新鮮惹味，配上燒汁簡直一流配搭！
🌟中切鹽燒牛舌芯//鹽燒A4宮崎和牛
呢度嘅牛肉串燒發揮相當出色，非常腍身同軟滑，👧🏻👦🏻人一串都覺得唔夠食😆！至於比較貴價嘅A4宮崎和牛，燒烤後都眼見其雪花紋路😍，入口油脂咇出嚟真係食得令人相當滿足🥰！
🌟燒雞軟骨//鹽燒原塊雞皮//黑松露烤雞
雞軟骨烤得脆口，口感好好咬口；鹽燒原塊雞皮燒到脆卜卜，入邊既油分已經逼曬出嚟，食落一啲都唔膩，咬落脆口一流；烤雞串燒面層鋪滿黑松露醬，咬落雞肉鮮嫩多汁，估唔到份量好足！
🌟香蒜咸蛋黃燒墨魚滑
墨魚滑食落滑口，墨魚滑入面加左粒粒香甜既粟米🌽同墨魚肉🦑，配上起曬沙嘅咸蛋黃既蛋香同香蒜味簡直係提升左一個層次，建議黎到必點！
🌟蟹膏燒飯團//蜜糖燒芋頭//明太子燒厚揚豆腐
蟹膏燒飯團🍙嘅飯團混入飯素，食得出有好香濃嘅鰹魚味，飯團各面都燒得香脆有飯焦。而蟹膏份量十分慷慨，鮮味十足，係最佳澱粉質之選！
而睇落簡單平凡嘅蜜糖燒芋頭，芋頭質素相當高，綿密又重芋頭味，蜜糖🍯薄薄一層，唔會搶咗主角風頭！
明太子燒厚揚豆腐先炸過再烤，豆腐幾重豆味👍🏻，外層香脆，就咁食可能會覺得比較Dry，當然配埋鹹香嘅明太子醬就啱啱好！
🌟黃皮金蛋潮州茶//爆打香水檸檬茶
飲品方面黃皮金蛋潮州茶混入咗唔少打爛成碎嘅黃皮果皮，冇咩澀味，茶底濃淡適中。而爆打香水檸檬茶帶有香水檸檬🍋味清香又唔會太酸，兩款飲品食完串燒解油膩一流！
Post
