Vision 8

自從上次發掘佐荃灣呢間西餐之後，念念不忘，美食質素、環境、燈光音樂都超出期待。今次提前book位，再來多次。☝️送嘅餐包，超好食，三款都唔同，有鬆脆口感嘅、有外脆內軟嘅，搭配靈魂醬料「黑松露黃油🧈」，連送嘅餐包都可以做到咁高質！膠原蛋白爆燈嘅烤鹹豬手，仲可以幫我地切開好入口，夠曬窩心☺️豬皮烤到好脆，入面嘅肉膠質飽滿嫩滑，今晚最佳。肉桂風味嘅焗蘋果➕雲呢啦雪糕球，二選一甜品，上次來試佐另一款心太軟，今次試呢個焗蘋果再次驚喜。肉桂味同蘋果好夾，加埋面頭嘅曲奇，口感同味道好豐富。