夏麵館 (寶石大廈) (Closed)

蒜泥白肉：白肉唔算好薄嗰種。個汁都冇乜蒜泥，所以唔太大陣蒜味。味道一般。糖醋蝦球：蝦球都幾大舊而且爽口，唔會食落得炸粉，所以都唔錯。糖醋汁嘅酸甜度適中。蟹粉炒飯：個飯都炒得幾香同乾身，不過用黎撈嘅蟹粉就太鹹，但好彩唔腥。春卷：即叫即炸，上枱係熱辣辣，仲好脆！雷沙湯圓：叫親湯圓本身都諗會唔會好厚粉，所以期望唔高。今次依個雷沙湯圓嘅皮唔算話勁厚，但都唔係薄，而且都唔係乾爭爭咁。好彩個餡都算多，咬落唔會得個皮。總結：選擇多係多，但食物味道好一般。