月半堂

Open Now

Now Closed

早排見到荃灣海濱花園果巴士總站對面開左間日式料理，今日終於我同朋友去左試。餐廳裝修以日系為主，亦見到好多鐵甲萬能俠的Be@rbrick擺設，睇黎店主鍾情日本動畫同風格。 ⦁吉列蝦蟹籽明太子烏冬⦁秘制黑松露薯條🍟⦁日本焦糖千層蛋糕🍰 整個套餐包括兩款前菜，其中一款系帶子裙邊超爽口。味噌湯好有誠意，湯入面仲有蜆同鳴門卷。烏冬爽口彈牙，而醬汁好creamy，有少少明太子的辣味，份量都多。好彩仲有朋友仔幫手share食。 餐廳的黑松露醬唔似平時出面得果一堆黑猛猛的黑松露，調配到令客人易入口好多，如果唔夠醬仲可以要求加醬。最後嗌多個甜品，千層蛋糕唔算好甜，配上焦糖醬，多一種層次。 整體黎講，店主店員相當親切，關心到每位客人的需要。可能位置都唔算好多，所以有d朋友黎到要等一陣。聽店主講2/8開始番外賣，到時可以唔洗到餐廳都可以食到。當然我都係鍾意去餐廳食，享受埋佢地既親切服務。加上價錢真心平民價，我諗我應該會經常幫襯。下次試下佢地果窩夫先🧇😋！ ✨偷偷地話你聽，店主同廚師仲要係五星酒店的大廚黎👨🏻‍🍳！