帝景軒 (Closed)

放假總想同好友一齊出去四周圍食、四周圍玩，特別女生總想食盡天下甜點，今個星期就同咗好友去帝景軒食草莓甜點誘惑下午茶自助餐，食完仲可以去附近海灘漫步，非常寫意。帝景酒店今個下午茶自助餐，好多都以鮮甜草莓創作多款細緻甜品，就好似帶大家去一場草莓盛宴。內裡環境時尚，戶外座位更有哂香港特色元素。一開始當然食個沙律先啦。沙律方面其實都有好多款，有泰式燒牛肉沙律、邊豆玉米仔沙律、什果沙律等等而我就鍾意佢個泰式燒牛肉沙律，酸酸辣辣非常開胃，而大廚採用頂級澳洲牛肉，口感鮮嫩鬆軟，份外滋味。亦可以自己揀選不同沙律菜或醬汁，調出一個最啱自己嘅選擇。食完沙律都忍唔住去了甜品區睇一睇，發現如果女生見到一定會雙眼發光。法式千層酥（左）士多啤梨千層酥入口鬆化，配上滑溜嘅吉士醬，唔會過甜真係唔錯。士多啤梨朱古力慕士（下）士多啤梨外層包裹著幼滑朱古力慕絲，慕絲中加入一層士多啤梨果凍，底層則鋪上薄薄的忌廉及朱古力脆脆，帶給您多重享受。之後佢仲有好多唔同款式甜點，例如：士多啤梨馬卡龍、士多啤梨法式焦糖燉蛋及士多啤梨法式泡芙等等，真係名副其實的草莓誘惑。鴨肝醬焗釀燒烤蘑菇大大嘅蘑菇唔會烤得太過乾身，配上鴨肝醬一齊食真係非常