上勝日本料理 (昌隆工業大廈) (Moved) New Location

第一次喺荔枝角食嘢，約咗朋友行D2。本來諗住夜啲先食正餐，但實在太肚餓經過見到一間門口唔係好顯眼嘅日本餐，唔知係唔係晚飯時間好多人，諗住細食少少，夜晚再食宵夜。叫咗啲刺身，價錢唔貴正常，諗住普普通通，點知出到嚟嘅水平係中上，就算夜晚食啲刺身都好新鮮，三文魚好肥美。但食刺身唔飲嘢又好似爭D野，見到佢poster有新出嘅芒果酒，好吸引本身好鍾意食芒果，同朋友叫咗一人一杯，點知一飲上咗忍勁好飲，好飲到後尾乾脆叫咗一支嚟飲，二個女仔不知不覺就飲左勁多，我同朋友食飯都唔會叫酒飲，但今次真系例外勁易入口。好推介比女仔飲仲有叫左幾串串燒，雖然等咗陣，但證明佢係即燒，雞翼勁好味，我唔會好似出邊咁得啲皮有味D肉冇味。我嘅第一篇食評就俾咗佢，總括來講價錢對得住食物綽綽有餘，除咗地方細左D，環境窄左D，但對我來講小店就係咁，注重嘅係食物質素。