Video
Read full review
2020-01-03
1060 views
喺荔枝角LUNCH無咩好食，同事話開左間炸物，咁唔洗諗就去試下。呢間主打炸物同韓式飯卷，我地點左烏冬同炸物。咖哩撈烏冬會送溫泉蛋，整開隻蛋同Ｄ烏冬撈埋黎食，超級滑，但係咖哩好淡，可以濃少少同辣少少。炸物５本有豚肉，蟹棒，蓮藕，紫薯同埋鮮冬菇，老闆仲送左粒魚蛋。炸物係新鮮炸，用個籃裝住，賣相幾好睇。炸粉好薄，食落好脆，唔會覺得油膩。炸豚肉略嫌無味，如果可以轉炸雞會比較好。配炸物點少得野飲，買SET會送埋，野飲選擇好多，除左可樂，Ｃ＋果汽水Ｄ之外，仲有Ｄ韓國野飲，例如牛蒡荼，檸７等。老闆好細心，LUNCH時間咁忙都會問下Ｄ客Ｄ野啱唔啱食。＄６８一個LUNCH SET算係咁la～
呢間主打炸物同韓式飯卷，我地點左烏冬同炸物。
咖哩撈烏冬會送溫泉蛋，整開隻蛋同Ｄ烏冬撈埋黎食，超級滑，但係咖哩好淡，可以濃少少同辣少少。
炸物５本有豚肉，蟹棒，蓮藕，紫薯同埋鮮冬菇，老闆仲送左粒魚蛋。
炸物係新鮮炸，用個籃裝住，賣相幾好睇。炸粉好薄，食落好脆，唔會覺得油膩。炸豚肉略嫌無味，如果可以轉炸雞會比較好。
配炸物點少得野飲，買SET會送埋，野飲選擇好多，除左可樂，Ｃ＋果汽水Ｄ之外，仲有Ｄ韓國野飲，例如牛蒡荼，檸７等。
老闆好細心，LUNCH時間咁忙都會問下Ｄ客Ｄ野啱唔啱食。＄６８一個LUNCH SET算係咁la～
Post
