炸帝x韓卷 (Closed)

有日lunch唔知食咩好，上左黎億利大廈搵食，比我遇到呢度賣我最愛既韓式飯糰，決定幫襯左飯糰餐配3件炸串。我點左韓式午餐肉飯糰，食得出用既真係韓國某牌子既午餐肉，而且用料多，有蛋， 蘿蔔等等。味道都唔錯，價錢合理，值得再幫襯。

因為我喺附近做嘢啦 咁當日比較忙 所以就打算買外賣姐咁一落樓既刻就見到呢間新開嘅炸帝韓卷 佢哋主力都係買韓式飯卷同小食 我一開始就覺得飯卷份量應該都唔會太多就嗌左個做午餐 點知接近係一個午餐大飯嘅份量雖然佢嘅款好普通佢餡料都係用腸仔啊午餐肉 但係呢間真係值得一試嘅 同埋記得要撈埋佢個韓式辣醬去食佢個飯卷咁呢個我只係買咗$58連埋嘢飲 其實係附近食飯都相當算係平嘅選擇 但係佢好似剩係得外賣咁所以我都係匆匆買完就走咗。

今日約左朋友係荔枝角食午餐，友人帶我到呢間餐廳試吓，佢話平時係冇位坐，其實而家個市咁差，連午餐都唔洗等位。呢間餐廳很特別，主打韓國炸物，亦有撈麵，選擇不多，但亦都有好多野想試，我地點左2個午市套餐，包罐裝飲品，雖然是罐裝飲品，但也有熱的，很窩心。韓卷套餐- 韓卷加炸物，份量都ok，如果男仔食就會唔夠飽，味道都可以。撈烏冬套餐 - 烏冬加炸物，撈烏冬的味道很特別，不像韓國style，有一點麻辣味道，好好味，值得一試，炸物之中，魚蛋和蟹柳最好食，其他也不錯，不會太淋，熱辣辣的。

喺荔枝角LUNCH無咩好食，同事話開左間炸物，咁唔洗諗就去試下。呢間主打炸物同韓式飯卷，我地點左烏冬同炸物。咖哩撈烏冬會送溫泉蛋，整開隻蛋同Ｄ烏冬撈埋黎食，超級滑，但係咖哩好淡，可以濃少少同辣少少。炸物５本有豚肉，蟹棒，蓮藕，紫薯同埋鮮冬菇，老闆仲送左粒魚蛋。炸物係新鮮炸，用個籃裝住，賣相幾好睇。炸粉好薄，食落好脆，唔會覺得油膩。炸豚肉略嫌無味，如果可以轉炸雞會比較好。配炸物點少得野飲，買SET會送埋，野飲選擇好多，除左可樂，Ｃ＋果汽水Ｄ之外，仲有Ｄ韓國野飲，例如牛蒡荼，檸７等。老闆好細心，LUNCH時間咁忙都會問下Ｄ客Ｄ野啱唔啱食。＄６８一個LUNCH SET算係咁la～

見到下面d menu又有韓國卷同炸物，諗住可以同同事叫幾樣share試下，點知就有個極之令人氣憤的體驗！自稱老闆嘅人見你消費唔高，就會用盡方法加收你錢！十分離譜！我哋三個人食唔到三條韓卷，又廢事叫得太少，所以我哋決定叫兩條韓卷同一份大串炸。送餐時我哋話因為想share食，食物放係中間就可以了。個自稱係老闆嘅男人一聽到我哋話share就黑曬面，話: 下你哋要一人一個餐架喎，無得share! 你哋點都要叫多樣野！咁我就覺得好奇怪，明明我地都叫左三樣野，點解仲要叫？問佢邊到有寫住話有最低消費，佢話: 無寫，不過我而家話你知有！咁我哋就再問佢而家差幾錢？佢竟然話一係我哋叫多個韓卷，一係加杯嘢飲 。。。但我想講，韓卷$55, 嘢飲就只係$8請問一下個收費準則係咩？ 完全係佢鐘意點就點！(如果你有寫而我無睇清楚，我一定會叫返，因為我都知可能有啲一大班入嚟真係叫得一條韓卷，但係我哋其實都叫左三樣嘢食，而且當成間鋪嘅餐牌都無任何字眼話要一人叫一個餐或有最低消費，我就覺得好唔合理)之後佢一對筷子都無俾我哋，我就去左拎兩對，佢一手搶返，我當下真係嚇窒左！佢同我哋講話，一個餐得一對，要多對加$2!!我拎成個

其實開呢個acct多數用黎book位，好少會寫食評，但我覺得呢間店都值我寫個食評本身我唔係一個相機食先嘅人，所以冇相睇，下次會記得影下相琴晚同男友叫左一個牛肉飯，一個吞拿魚飯卷同加左20蚊嘅炸物，因為我地兩個都唔算好大食，所以冇叫好多野，但老闆好好人，送多左2粒魚蛋，所有野都足料，同埋好食價錢我覺得都抵老闆會問下feedback，問下好唔好食,我覺得值得推薦希望會繼續keep到水準，下次會再黎幫襯

前陣子經過荔枝角， 無意中發現一間韓國食品店。(還有日式咖哩飯) 裝修簡約，有數張長枱高櫈，但座位空曠。半自助風格(即自己在櫃面付款)， 想起以前在中環的Lobster Central。收銀員&服務員應是老闆，因為勁熱心。(我覺得打工仔都可以參考下)12月換了新menu，在下面給大家看。叫了牛肉芝士卷($55)，再加$20加碗串炸5本。(豚肉，蟹棒，蓮藕，紫薯，鮮冬菇)老闆還很好送了一粒魚蛋給我。芝士牛肉卷材料豐富，味道Ok，如不大食，有十件也足夠飽。因為炸串食物皮薄脆，而炸物內裡還帶有本身的濕潤，不會很乾，做得很好。有一杯汽水飲品送，選了款少見的蜂蜜香水檸檬汽水，味道不錯。👍🏻

荔枝角工廈區新開小店，全店有數張長枱高櫈，主打韓式飯卷&日式炸串，「韓式飯卷配炸串」套餐最抵吃🤩，包一罐罐裝飲品🍹，而飯卷有六款口味可選，加3串炸串套餐只是$60餘元，想飽肚的，點個5串炸串套餐，都只是$70左右😋點了「韓式午餐肉卷+5串炸串套餐」($70)🐷，飯卷足足有10件，十分足料可口，炸串分別是紫薯、豚肉、蟹棒、蓮藕和鮮冬菇，套餐份量真是大，很飽肚🤪老闆親自打點，服務殷勤，會主動問罐裝飲品想要凍還是熱，見我一人拿起手機拍照時，主動問需要為我拍張照嗎，還送我一粒炸墨魚丸🥰這間CP值算高，有時吃膩了中餐或西餐，來份日韓fusion也不錯，荔枝角區又多一間選擇了！誠意小店值得再來支持👍🏻

一天與朋友跑步後路過遇到的餐廳，點了飯卷加炸串的套餐（素菜及吞拿魚泡菜）味道清淡但實在，運動後吃也沒有負擔感。偶而作為午飯也不錯，推介～ 炸串的話 魚蛋類比較好吃 蔬菜感覺爽脆

之前買過泡菜豬肉卷好好味，今次再試牛肉卷都好正!! 因為交收貨既人遲左搞到好趕又好嬲，好彩老闆超好專登幫手整快啲，令到我可以趕係lunch time食到❤️唔知係咪聽到我講電話嬲仲送左支野飲比我🥺好感動🥺最重要係野食好味🤤下次實會再幫襯😘如果有返個電話係openrice比人預先打電話落定單就更好☺️

同一大班同事黎食生日飯，選擇都唔少，有幾款韓式飯卷，日韓飯、烏冬，串炸。好彩有一大班人黎食，乜都可以試下，滿足到為食既我 我地叫左串炸+咖喱烏冬，芝麻醬烏冬，生姜牛肉燒飯，辣炒豬肉飯，蟹柳飯卷，辣豬肉卷。老闆好好人，送左魚蛋俾我地食，第一次食大阪式串炸魚蛋，好好味呀 辣炒豬肉飯未算好辣，用溫泉蛋撈埋個醬汁，又滑又好味。串炸既粉漿好薄，食落去唔覺油膩，又脆，呢個炸法好少食到。好欣賞佢地既韓式飯卷 （唔記得影近鏡），飯卷除左有主角蟹柳，仲有好多蔬菜配搭，青瓜、蘿蔔絲、蛋、牛蒡、蘿蔔, 口感豐富又食得健康 聽同事講d烏冬好滑，咖喱醬夠濃，芝麻醬就有少少麻既感覺，配串炸食既份量好夠 飲品方面係自己揀，有韓式野飲及汽水，唔想要凍既野飲可以問職員，不過有埋熱飲提供就好喇 Btw, 我一食左有味精既野就好口喝，但食完都冇口喝。支持無味精小店

平時都係荔枝角返工但好少會去d2個邊🤔今日就去搵下睇下有咩食，就比我見到炸帝x韓圈見佢menu都係主打韓式飯圈種類都有好多又有撈烏冬我今日就食韓式辣炒豬肉飯+串炸5本(有豚肉，蟹棒，蓮藕，紫薯同埋鮮冬菇)佢仲會配送溫泉蛋將佢整爛再撈埋辣炒豬肉飯，食到個飯會再滑身啲，又有蛋香味幾惹味佢會有少少辣，不過就算唔食得辣都食到同埋佢分量係一個女仔食曬都好飽佢啲炸物係值得一讚佢啲炸物係一啲都唔厚，好薄身食落去一啲都唔油膩但又做到脆，唔會淋曬又食到本身食材嘅味道就算佢有副送醬汁，其實都可以唔洗點都好味而且佢仲會配送飲料一罐可以自己去雪櫃到拎佢位置就係收銀位對面，幾方便下次放飯都會再去試埋其他

已經係第二次食炸帝，可以一次過分享多幾款食物。今日食咗日式咖喱牛肉伴烏冬同韓式吞拿魚飯卷，先講個烏冬，唔會太咸，牛肉一啲都唔會太in,烏冬一食就知唔係平嘢好彈牙，不過如果男仔食份量會比較少，至於飯卷，我覺得好食過韓國街嗰啲，飯卷嘅飯，有半入少許調味， 令飯卷味道更有層次，而佢唔會捲得好實，令到飯粒扁晒，筷子夾起又唔會散👍🏽上次仲有食到佢嘅串炸， 超薄嘅粉漿，唔會成口粉， 又唔會好油膩，唔會炸到入面好乾，仲 keep 到個食物既口感。值得一讚係佢哋會回收鋁罐，希望佢哋好快都會唔用即棄餐具，就可以更環保

我同朋友太約1:40pm到達，啱啱有一張長枱顧客食完離開，如果唔係只得返單邊才有空位，坐位舒服。炸物 x 韓式卷飯，配搭新鮮，味道一流! 炸物新鮮炸，炸粉薄，有炸蔬菜，菇及豚肉食落一點也不油膩!韓式卷飯有多種選擇，有吞拿魚，牛肉，……有素食卷飯, 啱晒素食者!我點了吞拿魚泡菜卷飯，味道像在韓國食的卷飯一樣，值得一嚐! 份量充足，食完炸物加韓式卷飯，有飽的感覺，另外有三款飯類選擇加玉子，啱晒想食飯的食客。套餐包一罐韓式飲品或汽水，只要有收銀對面，自行選擇，好窩心呀！套餐$62 - 有炸物，卷飯加飲品，經濟又實惠!

成日經過都好想試今日終於都約好朋友仔去試下，今日試咗個吞拿魚抄泡菜卷，我朋友試豬肉泡菜卷仲要包埋汽水，一出嚟我第一樣諗咁大碟點算，第二樣係個樣好靚，之後試咗件吞拿魚抄泡菜卷我個人覺得味道唔錯但無泡菜的香辣味，之後再試朋友的豬肉泡菜卷，好味好香泡菜的香味同埋辣味，如果兩個對比下我會喜歡豬肉果個多啲，我地兩個食完我仲有兩個食唔晒，老闆好友善咁問我地好唔好食呀，同埋又好好咁問我地要唔要打包食唔晒味啲，我同朋友已經諗好下次再食咩啦，如果佢份量方面可以調整下應該會更好。