金酒屋

Open Now

Now Closed

喺荔枝角D2 Place睇完戲，Dinner想食日本嘢🇯🇵揀咗附近一間居酒屋，地點有少少隱蔽，但估唔到入到去都幾旺場。金酒屋食物相當精緻，多款食物都有配搭海膽、三文魚籽等受歡迎嘅刺身，海膽迷一定勁鍾意！首先推介海膽金糖盒，用上日本最中餅承載棉花糖和海膽、漬三文魚籽。鮮甜嘅海膽加上三文魚子嘅鹹鮮，薄脆嘅最中餅加上軟綿綿嘅棉花糖，味道和口感都好豐富！刺身方面我哋叫咗日式金柑帆立貝刺身，第一次食帆立貝配酸甜金桔🍊整體味道更加清新🍃 粟米脆餅壽司即係用Nachos 墨西哥脆餅包住海膽壽司🤤比起金糖盒既最中餅更加脆口👍🏻丼物都係呢到既主打，我哋試左特厚燒牛舌三文魚籽丼同桃丼月見海老拖羅蓉丼，最鍾意係牛舌丼，佢真係厚切，加埋啲燒汁，甜甜地好開胃！金龍珠海膽吞拿魚蓉卷最特別之處係佢中間加左漬蛋黃，味道有更高層次🤤呢到既串燒都高質！特別鍾意雞皮蝦，雞皮燒得好脆！要叫返幾串送酒🍻🔸海膽金糖盒🔸日式金柑帆立貝刺身🔸粟米脆餅壽司🔸金龍珠海膽吞拿魚蓉卷🔸特厚燒牛舌三文魚籽丼🔸桃丼月見海老拖羅蓉🔸自家製雞皮蝦🔸厚燒牛舌心🔸嚴選松板豬🔸安格斯牛肋肉📍#金酒屋 (#荔枝角美食) @kinzakaya.hk#荔枝角