Wake Up

Open Now

Now Closed

原來係荷里活廣場有間幾有驚喜嘅西餐廳，一直都以為呢啲大型廣場全部餐廳都係連鎖餐廳，今日竟然發現到呢間低調得來環境同嘢食都幾吸引嘅西餐廳就忍唔住入去試吓！食物嘅款色非常多，無論係意粉、飯、漢堡包、扒你諗到嘅咩都有，我哋嗌咗個燒伊比利亞有骨黑毛豬鞍配黑椒汁伴薯菜，呢個豬鞍真係必食，厚有成四cm咁厚，啖啖肉，啖啖都爆汁，而且入口口嫩滑，豬味都好濃郁，幾有驚喜！另外我哋仲嗌咗個dinner set for one，呢個set都幾抵食，百零蚊包個餐包、餐湯、嘢飲、前菜同埋主食，仲要質素都唔錯，連餐包都係熱辣辣上嘅，前菜我哋揀咗水牛雞翼，入口都幾嫩滑，幾好食，主菜我哋就揀咗原條香草鹽燒鮮魚，條魚煎得啱啱好，外皮煎到金黃色脆卜卜，外脆內軟，入口即溶，非常新鮮！