莆田 (美麗華廣場2期) (Closed)

莆田每季都會按時節更換時令菜式, 今季終於輪到海蠣菜。海蠣即係我地經常食到嘅生蠔, 莆田嘅海蠣每隻都養足300日, 由產地直送到港, 非常新鮮。今日趁同老婆, 表妹逛尖沙咀, 我地lunch就到莆田Mira店大吃一番。😋莆田尖沙咀店位於Mira 2樓, 裝修好時尚, 座位寬敞舒適。我地差不多2點到餐廳, 雖然已經過左午市繁忙時間, 不過客人都仲係好多。我地點左餐廳推介$188兩款嘅海蠣菜, 加上芋芯同米粉, 3個人應該好夠食。😙漁民鹽漬海蠣鹽漬海蠣味道非常濃郁, 海蠣鮮味好重, 海蠣口感爽口彈牙, 全碟都係海蠣, 份量十足。👍頭水紫菜海蠣煎蛋蛋餅兩邊都煎得好香, 海蠣同頭水紫菜味道好夾, 唔油膩而且味道比起煎蠔餅更勝一籌。👍酥炒芋芯芋芯份量超多, 外層炒得好香脆, 芋頭夠軟糯, 3個人share食都好滿足。😁興化米粉興化米粉非常幼身, 我地每次去莆田都會點, 配料有蜆, 蝦等以上湯炒成, 混鹽漬海蠣食, 味道剛剛好。😋每碟菜份量都唔少, 我地3個人share 4 碟都要飽到捧住個肚走。😆