Video
Read full review
2021-09-16
445 views
中環有咩好食嘅中菜？呢度就係啦！中環捐窿捐罅其實揾到好多靚餐廳，而呢次食嘅呢間就喺擺花街廣場樓上，一層面積唔大但樓面企理乾淨嘅酒家。中午人流唔算多，難得去到一間走高檔路線又氣氛安靜自在嘅酒樓，緊係要嘆下呢度非一般嘅菜式！#等咗一段合理時間之後，先上枱嘅係「窩貼金蠔」，吃法是上下夾埋一齊擺入口，下面的炸米通一咬令人驚艷！原來沾滿咗蛋黃粉😍鹹香十足。#誰說綠葉配不上主角？之後上碟嘅「鼓油皇虎蝦煎腸粉」又係一道出色嘅小菜。下面腸粉索晒虎蝦的精華，食落口確實有別於一般嘅腸粉，鹹度適中，鼓油均勻，朋友食唔停口😂#「龍哥招牌炒飯」話明招牌，就絕對唔令人失望👍炒飯裏面有個人最鍾意食嘅松子，加上師傅炒得夠鑊氣，食完碗底一啲都唔油，認真一試回味。#對甜品控嘅我嚟講，「伯爵茶奶凍」係我食過數一數二嘅好味。因為呢度主打粵菜，原本以為只有菜式精緻已足夠，對飯後甜品期望自然不會太高，試完奶凍之後馬上被呢間私房菜館打破刻板印象🤩奶凍口感嫩滑，不會太creamy，茶味突出，食完感覺可再來一杯哈哈（甜品果然係第二個胃）#「冰凝小企鵝」賣相要畀十個like，一出場仙氣飄飄，喺熱死辣辣嘅夏天見到呢個場景，實在賞心悅目（p
中午人流唔算多，難得去到一間走高檔路線又氣氛安靜自在嘅酒樓，緊係要嘆下呢度非一般嘅菜式！
#
等咗一段合理時間之後，先上枱嘅係「窩貼金蠔」，吃法是上下夾埋一齊擺入口，下面的炸米通一咬令人驚艷！原來沾滿咗蛋黃粉😍鹹香十足。
#
誰說綠葉配不上主角？之後上碟嘅「鼓油皇虎蝦煎腸粉」又係一道出色嘅小菜。下面腸粉索晒虎蝦的精華，食落口確實有別於一般嘅腸粉，鹹度適中，鼓油均勻，朋友食唔停口😂
#
「龍哥招牌炒飯」話明招牌，就絕對唔令人失望👍炒飯裏面有個人最鍾意食嘅松子，加上師傅炒得夠鑊氣，食完碗底一啲都唔油，認真一試回味。
#
對甜品控嘅我嚟講，「伯爵茶奶凍」係我食過數一數二嘅好味。因為呢度主打粵菜，原本以為只有菜式精緻已足夠，對飯後甜品期望自然不會太高，試完奶凍之後馬上被呢間私房菜館打破刻板印象🤩奶凍口感嫩滑，不會太creamy，茶味突出，食完感覺可再來一杯哈哈（甜品果然係第二個胃）
#
「冰凝小企鵝」賣相要畀十個like，一出場仙氣飄飄，喺熱死辣辣嘅夏天見到呢個場景，實在賞心悅目（ps企鵝🐧好似喺南極）企鵝仔隔離仲有隻小海豹🦭，得意到不得了，影完一輪相先捨得食！
#
不得不稱讚呢度嘅廚師同點心師傅👍👍每道餸各有特色，叫做對得住價錢。
鼓油皇虎蝦煎腸粉
11 views
0 likes
0 comments
流浮山三寶蒸海班球
12 views
0 likes
0 comments
窩貼金蠔
25 views
0 likes
0 comments
伯爵茶奶凍
21 views
0 likes
0 comments
冰凝小企鵝
14 views
0 likes
0 comments
龍哥招牌炒飯
7 views
0 likes
0 comments
麻辣鮑魚掌翼煲
7 views
0 likes
0 comments
Post
